Фуксия - йышлă çурăлакан, хăйнеевĕрлĕ тата илемлĕ янкăр тĕссемлĕ çеçкеллĕ чечек. Ăна хăлха çаккипе, ташлакан балеринăпа танлаштараççĕ. Фуксин тăван çĕршывĕ - Кăнтăр Америкăн тропик тăрăхĕ. Ирĕкри ÿсен-тăран çÿллĕшĕ - 40-80 см. Килте ÿстерекен фуксине тĕрлĕрен йĕркелеме пулать: ампельный - кĕске туна çинче сарăлса ларакан туратсемлĕ е çÿллĕ, е усăнса тăракан çеçкеллĕ. Çакă чечеке пăхаканăн кăмăлĕнчен килет.
Хаçатра таса шыв ĕçмелле теççĕ. Мĕнле шыв-ши вăл, таса шыв? Эпир, ял çыннисем, килте çăл чавнă, ялти башня шывне киле кĕртнĕ, вăл йĕркеллех ĕçлесе çитереймест.
Çăл шывне вĕретсе ĕçмелле-ши е тÿрех çăлтан ăснине ĕçмелле? Кунне 2-3 литр ĕçмелле теççĕ тата.
Геннадий ВАСИЛЬЕВ.
Элĕк районĕ.
Çуркунне лаç кĕтессинче сăпса йăва çавăрнăччĕ. Ăна тĕкĕнмерĕм. Малтан пĕчĕкчĕ вăл, майĕпен йăвана пысăклатсах пычĕç. Сăпсасем те йышланчĕç. Вĕсем çинчен ытларах пĕлес килет. Хăшĕ-пĕри сăпса, сăвăслан сиенлĕ тет, тĕрĕсех-ши?
Е.КАПИТОНОВ.
Шăмăршă районĕ.
Чăвашла верси
Русская версия
