Archive - 6 Нарăс, 2016 - Хыпар

Раççейри - Кино, республикăри Ĕç çыннин çулталăкĕ Чăваш патшалăх филармонийĕнче савăнăçлă лару-тăрура уçăлчĕ. Фойерех хамăр çĕршыва, ĕçе парăннă çынна мухтаса юрă-кĕвĕ янăрарĕ. Ача садĕнче хăйсен ăсталăхне туптакансем, шкулта, университетра пĕлӳ илекенсем уява килнисен кăмăлне тыткăнлани иккĕлентермест.

Раççей Федерацийĕн Президенчĕ Владимир Путин Чăваш Республикин Пуçлăхĕпе Михаил Игнатьевпа ĕçлĕ тĕлпулу ирттернĕ.

Чăваш Ен Пуçлăхĕ Президента регионти социаллă пурнăçпа экономика лару-тăрăвĕ çинчен пĕлтернĕ. Михаил Игнатьев 2015 çула республика тивĕçлĕ кăтартусемпе вĕçленине палăртнă: «Эпир тупăш пайне малтан пăхнинчен 1,8 хут ытларах тултартăмăр, ку вăл Чăваш Республикин пĕрлехи бюджечĕ, 44 млрд та 364 млн тенкĕпе танлашать».

Пĕлтĕр те çак вăхăтра çĕршывра, çавăн пекех пирĕн республикăра та, ОРВИ тата грипп сарăлни пирки çырнăччĕ. Кăçал та чир-чĕр алхасать. «ОРВИпе тата гриппа чирлекенсене çулталăк тăршшĕпех шута илеççĕ. Çапах кĕркунне тата хĕлле вирус уйрăмах шар кăтартать», - палăртаççĕ шурă халатлисем.

Пирĕн тăрăха ОРВИ тата грипп хумĕ килсе çапсанах аптекăра оксалин маçĕ туянасшăнччĕ. Йÿнĕ пулин те витĕмĕ пысăк унăн. «Çук, илсе пĕтернĕ», - терĕç фармацевтсем. Эпир, ытти ашшĕ-амăшĕпе пĕрле пĕр вăхăт кăмăлсăрланса калаçрăмăр та - лăплантăмăр. Телее, нумайăшĕн малтан илни те пĕтмен.

Ăçта мĕнле те, Шупашкар районĕнчи Атайкасси ял тăрăхĕнче пурăнакансем пушă вăхăта усăллă та савăнăçлă ирттерме тăрăшаççĕ. Кăшарни сиввисем пуçлансан Йăршшусем хăнăхнă йăлапа коньки сырса ял çумĕнчи пĕвене хоккей выляма тухрĕç.

Кăркка - шултра кайăк: витере пĕрин пуçне сахалтан та 1 тăваткал метр лаптăк кирлĕ. Вăл 15 градусран пĕчĕкрех температурăна та çăмăллăнах чăтса ирттерет. Çав вăхăтрах витĕр çилпе нÿрĕк уншăн сиенлĕ.

Кăркка уринче юн тымарĕ нумай, çавăнпах ăна тăмашкăн ăшă вырăн кирлĕ. Шăнасран улăм, пăчкă кĕрпи е торф сарса памалла. Улăма - 10, пăчкă кĕрпипе торфа 3 эрнере пĕрре улăштармалла.

- Вăхăт çитмест. Палăртнă ĕçсене туса ĕлкĕрейместĕп. Çырас тенĕ юрă та темĕн чухлех, сăввисем те сахал мар, анчах ĕлкĕрме çук. Канма та вăхăт çитмест.

«Пĕтĕмĕшле хаклас пулсан Чăваш Ен - Раççейри чи лайăх 15 регион йышĕнче. Патшалăх Думин, Чăваш Республикин Патшалăх Канашĕн суйлавĕсене хатĕрленнĕ май уйрăм политиксем лару-тăрăва йывăрлатма та хăтланĕç. Пирĕн тĕллев - йĕркене пăсма памасăр хамăр ĕç-хĕле тĕплĕ те яваплă пурнăçласси», - палăртнă Михаил Игнатьев.

Регион Пуçлăхĕ Раççей Президенчĕпе Чăваш Республикин бюджетне хушма инвестицисем хывас ыйтусене сÿтсе явни пирки те асăннă.

Республика ертÿçисем Чăваш Енри лару-тăрупа вырăна тухса паллашасси, ĕç коллективĕсемпе тĕл пуласси тахçанах ырă йăлана çаврăннă.

"Кам вăл санăн шутупа - чăн-чăн арçын?" - ыйтнăччĕ пĕрре манран пуçлăхсем. Калăн, пĕр-пĕр эксперт эпĕ. Çапах та шухăша янăччĕ ку ыйту. Мĕн шухăшланине пытармасăр калама хăнăхнă та, пуçлăхсене кÿрентерес мар тесе çапах та хуравлама васкамарăм.

Чăн-чăн арçын... Кам-ши вăл, мĕнлескер-ши? Çак ыйтăвах каярахпа хам та ЧР Пуçлăхĕн мăшăрне Лариса Игнатьевăна панăччĕ. "Шухăшне тĕрĕс палăртса сăмахне тытма пултаракан çын", - тÿрех хуравларĕ вăл. - "Çакăн пек арçын нумай-и вара пирĕн хушăра?" - çак ыйтăва памасăр епле чăтăн-ха? - "Нумаях тесе калаймăп”, - пулнăччĕ хурав.