Archive - 11 Пуш, 2017

11 Пуш, 2017

«Чăваш хĕрарăмĕ» 9 (982) №. 11.03.2017

11 Пуш, 2017

Хĕрарăм аллинче хĕрĕх тĕрлĕ ĕç вылять

Пуш уйăхĕн 7-мĕшĕнче республика Пуçлăхĕ Михаил Игнатьев чи ĕçчен, хастар, пултаруллă хĕрарăмсен пĕр ушкăнне патшалăх наградисем панă. Уява Чăваш Республикин Пуçлăхĕн Администрацийĕн ертÿçи Юрий Васильев, ЧР Патшалăх Канашĕн Председателĕ Валерий Филимонов, ЧР Патшалăх Канашĕн депутачĕ, Ашшĕсен канашĕн ертÿçи Владимир Викторов, ЧР Общество палатин председателĕ Алексей Судленков хутшăннă.

11 Пуш, 2017

«Кукамайпа кукаçи анне-атте вырăнне пулчĕç»

— Тĕрре кĕçнерникун пуçлатăп. Темшĕн кун пек ĕç çăмăллăн каять пек. Вĕтĕ шăрçапа илемлетнĕ турăшсене тăвансене те чылай парнелетĕп. Пÿрте кĕлĕ вуласа тасатма килсен Владимир атте те ку ĕçе пурнăçлама пиллесе хăварчĕ. Тĕрлеме пуçличчен ятарлă кĕлĕ вулатăп. Вăл алă айĕнчех.

11 Пуш, 2017

Хĕрарăма та, арçынна та тĕрек кирлĕ

Кашни ĕç чыслă та хисеплĕ. Ламран-лама пĕр профессие суйласа йăх-несĕлĕн çулне малалла тăсма кăмăллакансем вара уйрăмах хисепе тивĕçлĕ.

Куславкка районĕнчи Энтри-Пасарти вăтам шкулта тăрăшакан Ивановсем учитель династине йĕркеленĕ. Кира Петровна кĕçĕн классене 23-мĕш çул вĕрентет. Мăшăрĕ Андрей Петрович та кунтах тăрăшать, вăл математика, физика, информатика урокĕсене тытса пырать.

11 Пуш, 2017

Юрлама ăста

Муркаш районĕнчи Йÿçкасси тăрăхне кĕрекен 13 ялтан тăваттăшĕнче клуб пур. Панклири анчах ĕçлемест. Йывăçран хăпартнă çуртра пушар тухас хăрушлăх пур. Матьăкрине иртнĕ çул çĕнетрĕç. Йÿçкассинчи клуба иртнĕ ĕмĕрĕн 60-мĕш çулĕсенче кирпĕчрен купаласа лартрĕç. Тепĕр темиçе çултан ăна «Ударник» хуçалăхăн пĕрремĕш директорĕ Александр Михайлович йĕркене кĕртсе çитерчĕ. Çак çурта та 2012 çулта юсарĕç.

11 Пуш, 2017

Капкăнран сыхланмалла

«Тĕлĕрсе кайнăччĕ. Смс-çыру килнĕ сасă вăратрĕ. Ыйхăллăскер ăна куçа аран уçса вуларăм. Унта банк карттине блокировка тăвасса систернĕ. Пулăшма шантарнă. Ыйтусемпе асăннă телефонпа шăнкăравламаллине каланă. Икĕ кунтан шалу килмелле-çке, укçасăр епле пурăнăп-ха? Çийĕнчех шăнкăравларăм. Çамрăк пулăшма шантарчĕ. Банк карттин номерĕсĕр пуçне умри-хыçри цифрăсене, паспорт номерĕсене тĕпчерĕ. Мĕн ыйтнине пĕтĕмпех пĕлтертĕм. Калаçу вĕçленсенех шартах вăранса кайрăм. Хам мĕн туса хунине ăнлантăм та хăвăртрах тумланса банкăн çывăхри уйрăмне чупрăм.

11 Пуш, 2017

"Вести Чувашии", (№ 9 (1529)) от 11 марта 2017 года

Указ Главы Чувашской Республики от 4 марта 2017 года № 23 «О награждении государственными наградами Чувашской Республики».

Указ Главы Чувашской Республики от 4 марта 2017 года № 24 «О внесении изменений в Указ Президента Чувашской Республики от 24 октября 2008 г. № 109».

 

11 Пуш, 2017

"Мĕн тери телейлĕ пулĕ унăн ачисем..."

"Алла калем тытса куççуль юхтарса "Чăваш хĕрарăмне" çырмасăр пултараймарăм. Пурăнасса Мурманск облаçĕнче пурăнатпăр-ха, Шупашкара хăнана килнĕ самантра çак çырăва шăрçалас терĕм.

Ача çуртĕнче çитĕннĕ эпĕ. Пурнăçăм мĕн çуралнăранпах унта иртрĕ темелле. Анне! Мĕн тери ачаш сăмах. Манăн та çак сăмаха каласа курас килетчĕ, анчах йĕри-тавра ача çуртĕнче ĕçлекенсем кăначчĕ. Юрать-ха вĕсем хушăран ăшă сăмах калатчĕç. Мĕн чухлĕ куççуль юхтарман пуль...

11 Пуш, 2017

«Упăшка çумра чухне ютти çине пăхмалла мар»

Чăваш халăх поэчĕ Юрий Сементер мăшăрне халалласа çырнă сăвăсенчен пĕринче çакăн пек йĕркесем пур:

«Мĕн кирлĕ этеме? Телейлĕ çул?
Е ĕмĕрлĕх хисеплĕ ят та мул?
Çук, кирлĕ пуринчен малтан пире
Ăнланупа вăй кÿрекен чĕре».

Pages