Archive - 17 Пуш, 2017

Чăваш Ен Пуçлăхĕ Михаил Игнатьев ĕнер Удмуртин кунта республикăн Патшалăх Канашĕн Председателĕ Владимир Невоструев ертсе килнĕ делегацийĕпе тĕл пулнă.

Сĕт хакĕ мĕншĕн чакать? Интернет хăвăртлăхне вăйлатма çук-ши? Карас çыхăнăвĕ мĕне кура япăхланчĕ-ши? Çÿп-çапа малашне ăçта ăсатмалла?.. Ял çыннине паян тĕрлĕ ыйту канăçсăрлантарать.

«Тăваттăмĕш антимонополи пакечĕ» вăя кĕнĕренпе, пĕлтĕрхи кăрлач уйăхĕнчен, асăрхаттарусен шучĕ 3 хут ÿснĕ, монополие хирĕçле тата административлă майпа пуçарнă ĕçсен шучĕ вара 2,7 тата 2,3 хут чакнă.

Чăваш Ен Пуçлăхĕ республикăн тĕп архитекторĕн должноçне çирĕплетсе Хушу кăларни çинчен «Хыпар» пĕлтернĕччĕ. Мĕн тума кирлĕ вăл Чăваш Республикине? Паян çак тата ытти ыйтăва уçăмлатса çĕнĕ должноç тĕллевĕсемпе тивĕçĕсем çинчен сăмах пуçарас терĕмĕр.

Районта аталану çулĕпе пыракан пĕчĕк фермер хуçалăхĕ чылай. Вĕсенчен пĕри — Тăрăн ялĕнчи Татьянăпа Алексей Ивановсен.

— Пирĕн ĕне выльăх 51 пуç, — ХФХ ĕç-хĕлĕпе паллаштарчĕ Алексей Владимирович. — Çав шутра сăваканни — 18. Кĕтĕве пысăклатаймастпăр, мĕншĕн тесен Киров ячĕллĕ колхозран юлнă витене текех выльăх тăратаймастпăр.

Чăваш Енре хальхи вăхăтра 60 çултан иртнĕ 340 пин çын пурăнать (Шупашкар хулинче кăна вĕсен йышĕ 86,6 пин). Асăннă кăтарту республика халăхĕн 30 проценчĕпе танлашать.

Тавах, тухтăрăм, сана…

Пĕлтĕр республикăра ача-пăча вутпа вылянăран 25 пушар тухнă, 2015 çулта — 33. Кăçал ку сăлтава пула вут-çулăм алхасман. Анчах çакă лăпланса лармаллине пĕлтермест. Кунашкал инкексем ан пулччăр тесен аслисен мĕн асра тытмалла?

Пушкăрт — тĕрĕк халăхĕ, вĕсен чĕлхи Алтай чĕлхисен йышне кĕрет. Тĕп çĕршывĕ — Пушкăртстан. Тĕнчере 1,6 миллиона яхăн пушкăрт пурăнать. Вĕсем Раççейре, Эстонипе Казахстанра, Украинăпа Туркменире, Узбекистанпа Киргизире, Беларуç Республикипе Таджикистанра, Литвапа Латвире тĕпленнĕ. 2010 çулхи çырав тăрăх Раççейре 1584554 пушкăрта шута илнĕ, вĕсенчен 1172287-шĕ — Пушкăрт Республикинче, ыттисем çĕршывăн тĕрлĕ регионĕнче пурăнаççĕ.

Çапла ят панă Наци музейĕнче пуш уйăхĕн 14-мĕшĕнче уçăлнă курава. Ăна РСФСР тава тивĕçлĕ, ЧАССР халăх артисчĕ Мефодий Денисов çуралнăранпа 95 çул çитнине /1922-1998/ халалланă.

Кивĕ Чукал каччи