Archive - Feb 2017

февраль 28th

Федерацин Чăваш Республикинчи тĕп инспекторĕ Геннадий Федоров федерацин ĕç тăвакан влаç органĕсен территорири уйрăмĕсен ертÿçисемпе координаци канашлăвĕ ирттернĕ.

Вăхăт иртнĕ май халăхшăн паллă кунсем историре шаларах та шаларах юлса пыраççĕ. Халĕ пурăнакансен вĕсене манма юрамастех. Совет çарĕ Ленинград паян Санкт-Петербургхулин блокадине татнăранпа кăçалхи кăрлачăн 27-мĕшĕнче 73 çул çитрĕ. 872 куна тăсăлнă 1941 çулхи авăнăн 8-мĕшĕнчен пуçласа 1944 çулхи кăрлачăн 27-мĕшĕччен блокадăра выçăпа, сивĕпе тата снаряд-бомба лекнипе 641 пин çыннăн пурнăçĕ вăхăтсăр татăлнă, нумайăшĕ ĕмĕр тÿрленейми суранланнă.

Вĕсенчен пĕрне, Шупашкарти 5-мĕш ача садĕнче ирттернĕ спорт уявне, кайса курма тÿр килчĕ. Олимп эстафетине ача сачĕ ăнсăртран тивĕçмен. Вĕсем — 5, 17, 28, 55-мĕш садиксем — чылай уява пĕрле ирттереççĕ. Татьяна Ненаездникова ертсе пыракан 5-мĕш садик ачасене йышăнма пуçланăранпа нарăсăн 26-мĕшĕнче 35 çул çитрĕ.

Çăмăл машина пассажирĕ çапла калама кăна ĕлкĕрнĕ — унăн юлашки сăмахĕсем... Комсомольски районĕн çынни "Фольксваген-Транспортер" машинăпа Тăманлă Выçли енчен килекен çул çинчен кĕтмен çĕртен сиксе тухнă май аслă çулпа пыракан ВАЗ-21101 ниçта та кайса кĕреймен — иномарка ăна айккинчен пырса çапнă.

Сывлăх сыхлавĕн пĕтĕм тĕнчери организацийĕ пĕлтернĕ тăрăх — 2015 çулта Раççейре вăтамран 71 çул пурăннă, Японире — 83.

Уйрăмлăх мĕншĕн пысăк? Яппунсем тинĕс апатне пиртен чылай ытларах çиеççĕ. Вĕсен кухнинче пулă пысăк вырăн йышăнать. Эпир яппунсемпе танлашаймастпăр. Çĕршыва тинĕс апачĕ çитмест. Ăна нумайрах хатĕрлесе сутмалла. Ку ĕç республикăра кирлĕ пек пулса пымасть-ха. Çынсем ытларах Чăваш Енре тытаканнине е çитĕнтерекеннине туянасшăн. Анчах тĕрлĕ сăлтава пула илеймеççĕ. Мĕн чăрмантарать?

2017 çул Раççейре — Экологи çулталăкĕ. Федераци шайĕнчи çут çанталăкăн уйрăмах сыхлакан лаптăкĕсенчи специалистсем кăçал усăллă ĕçсем нихçанхинчен те нумайрах тăвасшăн.

«Сăрçум» заповедник та хăйĕн умне çавнашкал тĕллев лартрĕ. Учрежденин Улатăр районĕнчи Атрать ял тăрăхĕнчи хурал пайĕн çĕнĕ çуртне туса пĕтерсе хута яратпăр.

Пулă та çиейместĕн
«Хыпар» ыйтăвĕсене Раççей Пулă агентствин вăтам Атăл территори управленийĕн республикăри биологи ресурсĕсене патшалăх енчен тĕрĕслекен, сăнаса тăракан тата хÿтĕлекен пайĕн ертÿçи Валерий Петрович ГРИГОРЬЕВ хуравлать.

Раççей Ăслăлăхсен академийĕн апат-çимĕç институчĕ норма тăрăх кашни çыннăн çулталăкра вăтамран 106 килограмм улма-çырла çимелле тесе ĕнентерет. Вăл шута панулми — 35, цитрус çимĕçĕ — 10, иçĕм çырли — 8, груша, слива, чие, ытти 4-5-шер процент кĕреççĕ. Çакна РФ Сывлăх сыхлавĕн министерстви те çирĕплетет. Анчах эпир унпа çулталăкра вăтамран 40 килограмран ытла усă курмастпăр иккен. Европăри чылай çĕршывра ăна пирĕнтен 3-4 хут нумайрах çиеççĕ.

Чăваш Ен Пуçлăхĕ Михаил Игнатьев «Ренова» компанисен ушкăнĕн директорсен канашĕн председателĕпе Виктор Вексельбергпа тĕл пулнă. Ĕçлĕ калаçăва çавăн пекех ЧР Министрсен Кабинечĕн Председателĕн заместителĕ — экономика аталанăвĕн министрĕ Владимир Аврелькин хутшăннă.

Pages