Archive - 4 Нарăс, 2017

Указ Главы Чувашской Республики от 27 января 2017 года, № 6 «О награждении государственными наградами Чувашской Республики».

Вĕсенчен хакли никам та çук тĕнчере. Çывăх çынсен çунатти айĕнче кирек кама та хăтлă, ăшă.

Шупашкарти çул çитменнисен социаллă реабилитаци центрĕнче республикăри Амăшĕпе Ашшĕн çулталăкне уçнă май нумай ачаллă, сахал тупăшлă, патшалăх пулăшăвĕпе усă куракан çемьесене уява пуçтарнă. Вĕсене ЧР Патшалăх Канашĕн депутачĕ, Ашшĕсен канашĕн ертÿçи Владимир Викторов, учреждени пуçлăхĕ Лариса Рябинина саламланă.

Хисеплĕ “Чăваш хĕрарăмĕ” хаçат редакцийĕ тата унăн вулаканĕсем!

Сире паллă пулăмпа — хаçат тухма пуçланăранпа 20 çул çитнĕ ятпа — чун-чĕререн саламлатпăр!

— Хĕл хырăмĕ аслă. Çу çитсен иртен пуçласа каçченех хĕвел çинче эпир: гектарĕ-гектарĕпе утă çулатпăр, — ăшшăн кулать Елчĕк районĕнчи Патреккелти Валерий Выйгетов.

Иртнĕ ĕмĕрте вăрçă ачисен шăписем ытла та йывăр пулнă. Çул çитменскерсен мĕнле кăна ĕçе пурнăçлама тивмен! Юлия Матвеева колхозсем йĕркеленме пуçланă тапхăрта Мартынкасси ялĕнче çуралнă. 1940 çулта ăна ялти 7 класс вĕренмелли шкула яраççĕ. Вăрçă пуçлансан ашшĕне çав çулах фронта илсе каяççĕ. Пурнăç йывăрланать. Амăшне çул çитмен ачисем пуррине пăхмасăр ĕçлеме янă. 9 тата 11 çулти ывăл-хĕрĕн хăйсен тĕллĕн пурăнма тивнĕ. Юрать-ха ялта кукамăшĕпе асламăшĕ пулнă. Вĕсем мăнукĕсене тĕрĕслесе тăнă. Ачасен килти выльăх-чĕрлĕхе пăхмалла пулнă.

Йăлана кĕнĕ тăрăх, республика ертÿлĕхĕ çулталăк пуçламăшĕнче тĕрлĕ районта пурăнакансемпе тĕлпулусем йĕркелет.

Йăлана кĕрсе кайрĕ пулĕ ĕнтĕ — кирек кампа калаçнă чухне те сăмах пурнăç йывăрлăхĕ патне çаврăнса çитетех. Пĕрне укçа-тенкĕ çитмест тулли телейлĕ пулмашкăн, теприне — сывлăх, виççĕмĕшне — ирĕклĕх... Кун пек çынпа калаçнă хыççăн хăвăн та, сисместĕн те, кăмăл пусăрăнать. Тавлашмăп, пурнăç ансат мар. Çапах — вăрçă вăхăтĕнчи те мар... Телее, урăхларах çынсем те пур. Çук, вĕсем те пĕр йывăрлăхсăр пурăнмаççĕ.

Шупашкарти Ленин районĕн следстви уйрăмĕ 2016 çулта 184 уголовлă ĕç пуçарнă, 105 йывăр тата уйрăмах йывăр преступление тишкернĕ, вĕсен йышĕнче — çын вĕлернипе пусмăрлани, хур туни, коррупци сĕмĕлли тата ытти те.