Archive - Çу 2016

Çĕнтерÿ кунĕ — çуркуннехи çеç мар, çулталăкри чи пысăк уявсенчен пĕри. Çутçанталăк чĕрĕлнĕ вăхăтра килекенскерне кăçал 71-мĕш хутчен кĕтсе илĕпĕр. Историри пысăк вăрçăн юлашки снарячĕсем çурăлнă çу кунĕсенчен пире вун-вун çул уйăрать. Апла пулин те унăн пĕлтерĕшĕ чакмасть. Ветерансен йышĕ çеç çулран-çул чаксах пырать...

Чăваш Енре паян 1250 вăрçă ветеранĕ, блокадăна лекнĕ Ленинградра пурăннă 49 çын, фашизм тыткăнне ачаллах лекнĕ 79 арçынпа хĕрарăм, вăрçăра паттăрла пуç хунисен 62 тăлăх арăмĕ, салтаксен 5 пин тăлăх арăмĕ тата 18,9 пин тыл ĕçченĕ пурăнать.

Тутар республикинчи Теччĕ районĕнчи Кăнна Кушки ялĕнче çуралнă, паян Шупашкарта пурăнакан Вера Рекеева — вăрçă ветеранĕ. Тăшмана аркатассишĕн паттăррăн çапăçса нумай наградăна тивĕçнĕ вăл. Вĕсен йышĕнче Паттăрлăх орденĕ, Жуков орденĕ тата ыттисем те.

Пирĕн çĕршыв кăçал Аслă Çĕнтерÿ 71 çул тултарнине паллă тăвать. Чаплă та сăваплă куна чыслăн кĕтсе илме хатĕрленсе Елчĕк районĕнчи Патреккел вăтам шкулĕнче те çамрăк ăрăва патриот воспитанийĕ парассипе çыхăннă тĕрлĕ мероприяти иртет.

Концлагерьте асапланнă кунсене Михаил Лавин хăй астумасть. Ун чухне вăл икĕ çулта кăна пулнă. Çав хăрушă историе амăшĕ каласа кăтартнинчен пĕлет.

"Çĕнтерÿшĕн тав тăватпăр! Уяв ячĕпе саламлатпăр!" — шкул умĕнче пĕр саслăн кĕтсе илчĕç ветерансене Шупашкарти 29-мĕш шкул ачисем. Сумлă хăнасене ырлăх-сывлăх, канлĕ ватлăх сунса виçкĕтеслĕ çырусем хатĕрленĕ вĕсем. Çакă йăлтах чуна ăшăтать, патриотизм туйăмне çирĕплетет.

Манăн хаçат урлă чуна уçас килет. Чăн юратăвăм пурнăç тăршшĕпех асран тухмасть. Тĕнчере асамлă çав туйăм пуррине çирĕплетсех калатăп.

Ун чухне техникумра вĕренеттĕм. Пире практика вăхăтĕнче пĕр колхоз общежитине вырнаçтарчĕç. Пĕр пÿлĕмре 5-6-ăн выртса тăраттăмăр. Машина-тракторпа хире тухса кайни çаплипех куç умĕнче. Шанса панă вĕт пире техника! Çук, нихăшне те йĕркерен кăларман.

“Чăваш хĕрарăмĕ” хаçатăн 15 /937/-мĕш номерĕн 10-мĕш страницинче тăван чĕлхе кунне халалласа сăвă ярăмĕ пичетленнĕччĕ. Хитре чĕлхемĕре халалланă хайлавсене чăваш тумĕ тăхăннă чипер пикен сăнÿкерчĕкĕ татах та уяв сĕмĕ кĕртет.

Ишме пĕлмесен те — путакана пулăш

Ирена Сендлер 1910 çулхи нарăс уйăхĕн 15-мĕшĕнче Варшавăра Польша католикĕсен çемйинче çуралнă, каярахпа кил-йыш Отвоцк хулине куçнине пула унта ÿснĕ. Ашшĕ Станислав Кржижановски тухтăр пулнă, хĕрне те çынна яланах пулăшма вĕрентнĕ — путакана курсан çăлма тăрăшмаллах, хăв ишме пĕлместĕн пулсан та... Сăмах май, арçын 1917 çулхи нарăс уйăхĕнче черетлĕ пациентне тифран сипленĕ май чир ернине пула вилнĕ, унăн ĕçтешĕ ку çынна пулăшма хирĕçленĕ-мĕн.

Аркадий Петров: Çара юрăхсăррине çирĕплетсен те вăрçа кайрăм

Тăм тивичченех окоп чавнă

Уяв тĕлне - Астăвăм кĕнеки

Раççей Президенчĕн Саламне - кашни паттăра ятран

«Кун-çулăр вăрăм, пурнăçăр тулăх пултăр…»

Шупашкарта Туслăх аллейи уçăлчĕ