Archive - Çу 2016

Тăван çĕршывăн Аслă вăрçи пуçлансан пирĕн ентешсем окоп чавас ĕçе хастар хутшăннă. Тăпра ан ишĕлтĕр тесе вĕсене хăма-пĕренепе, чулпа çирĕплетнĕ. Тĕрлĕ ĕç хатĕрĕ хута кайнă — кĕреçе, киркка, лум, кувалда...

Вăрçă хирĕнче паттăррăн çапăçса тата тăнăç пурнăçшăн кĕрешсе пуç хунă çар çыннисене асра тытасси — пирĕн тивĕç. Нумаях пулмасть Чăваш кĕнеке издательствинче “Тăнăç пурнăç вăхăтĕнче хăйсен тивĕçне пурнăçласа вилнĕ çар çыннисен Астăвăм кĕнеки” кун çути курчĕ.

Тăван çĕршывăн Аслă вăрçин вут-çулăмĕ витĕр тухнă паттăрсем тата тыл ĕçченĕсем патне Раççей Федерацийĕн Президенчĕ Владимир Путин пирĕн халăх Аслă Çĕнтерÿ тунăранпа 71 çул çитнине халалласа ятран янă Салама Раççей почти çу уйăхĕн 2-мĕшĕнче

Чăваш Ен Пуçлăхĕ Михаил Игнатьев çу уйăхĕн 5-мĕшĕнче ЧР Ĕçлев тата социаллă хÿтлĕх министерствин «Аслă ăру гражданĕсемпе инвалидсен социаллă тата сывлăха тĕреклетекен «Вега» центрĕнче канакансемпе тĕл пулчĕ, вăрçă ветеранĕсемпе тыл ĕçченĕсене Аслă Çĕнтерÿ 71 çул тултарнă ятпа саламларĕ.

Ӳлĕмрен республикăн тĕп хулинче ентешлĕхсен туслăхне вăй парса тăракан йывăçсем ӳсĕç.

Кăмăл туртăмĕ - ăнăçу тупсăмĕ

Унран телейлĕрех кун çук

Тайма пуç сана, атте!

Кĕрÿ çĕре юраттăр

Усăллă, тухăçлă, тупăшлă

Кăтартăва кура – пулăшу

Хĕвеллĕ те çиллĕ çанталăк çĕре палăрмаллах типĕтрĕ. Уйри тракторсем хыççăн тусан самаях йăсăрланать.

Тăван ялне, Патăрьел районĕнчи Аслă Арапуçне, таврăниччен тăшмана Берлина çитичченех çапса аркатнă салтак савăнăçне пытараймасăр амăшне хăйĕн çинчен маларахах пĕлтернĕ. Йĕпреçе çитсен ун патне телефонпа шăнкăравланă. Çавăнпа килте ăна чăтăмсăррăн кĕтнĕ. Аслă ывăлĕ Василий çапăçу хирĕнче паттăрсен вилĕмĕпе пуç хунă хыççăн амăшĕ Ананийшĕн тата ытти ачишĕн фронтран ырă-сывă таврăнччăр тесе кунĕн-çĕрĕн кĕлĕ тунă. Юрать, виçĕ ывăлĕ каялла çаврăнса çитнĕ. Аслă Çĕнтерÿ кунне аса илсе 92 çула кайнă Ананий Егорович Киргизов: "Ун пек телей урăх çук.

Вăрçă!.. Мĕн тери хăрушă сăмах! Паянхи кун та ăна илтсен чун-чĕре чиксе ыратать. Мĕн чухлĕ çын пурнăçне вăхăтсăр татман-ши вăл? Асап кăтартнă, çемьесене аркатнă, ачасене тăлăха хăварнă.