Сывлăх

29 Çĕртме, 2016

"Сывлăх", 25 /892/ №, 29. 06. 2016

о Чие хуппине вĕтетсе.
о Пигмент пăнчинчен.
о Сыпă ыратнине ирттереççĕ.
о Бальзам ÿте çемçетет.
о Пĕвер мĕнле апат юратать?
 
Сывлăх
Сывлăх
Анонс
29 Çĕртме, 2016

Сиплевçĕ тивĕçне пысăк яваплăхпа пурнăçлать

Екатерина Александрова Чăваш патшалăх университечĕн медицина факультетĕнчен 2009 çулта вĕренсе тухнă, Хĕрлĕ Чутай районĕн больницинче офтальмологра ĕçлет, сиплевçĕ тивĕçне пысăк яваплăхпа пурнăçлать.

Сывлăх
Сывлăх
Опытлă специалист
29 Çĕртме, 2016

ЧĔРРИ КĂНА МАР

Çапла сухан чĕрри кăна мар, пĕçерни те усăллă. Вăл хăйĕн паха енĕсене кун пек те çухатмасть.

Сухана тасатмалла, çурмалла урлă касмалла. Типĕ çатма çине каснă енĕпе хумалла, хупăлчапа витмелле, 10 минута вăйсăр çулăм çине лартмалла. Çавăн пекех 180 градуса çити вĕрилентернĕ духовкăра 5 минут пĕçерме юрать.

Сахăр диабечĕпе чирлĕ çынсене çак мелпе пĕçернĕ сухана кулленех çиме сĕнеççĕ. Çимĕçре инсулин туса кăларассине вăйлатакан кÿкĕрт пур. Ăна кашни апат умĕн /ирхине — выç хырăмла/ кăштахшарăн çимелле тата апата хушмалла.

Сывлăх
Потребителе
Пахча çимĕç
29 Çĕртме, 2016

ПУХСА ТИПĔТЕТПĔР

Хăмла çырлин çулçине, çырлине хĕл валли типĕтсен питĕ аван пулмалла. Вĕсемпе тĕрлĕ чиртен сипленнĕ чухне усă кураççĕ.

Тар кăларать. Хăмла çырлин 100 грамм типĕ çулçине тин вĕренĕ 600 грамм шыва ямалла. 30 минутран сăрăхтармалла. Çĕрлене хирĕç 1-3 стакан вĕрилле ĕçмелле.

Сывлăх
Потребителе
Çырла
29 Çĕртме, 2016

ВИÇЕНЕ ПĂХĂНМАЛЛА

Ухмах курăкĕ /дурман обыкновенный/ — тĕлĕнмелле ÿсен-тăран. Унăн туни, çулçи, вăрри наркăмăшлă, анчах виçене çирĕп пăхăнсан вĕсем чылай чиртен витĕмлĕ пулăшаççĕ.

Ыйхă вĕçсен. Вĕтетнĕ типĕ, тÿпелесе тултарнă 1 апат кашăкĕ çулçа 10 литр кĕрекен витрене ямалла, хĕрринченех вĕри шыв хушса 30 минут лартмалла, сăрăхтармалла. Ăшă шывлă ваннăна ямалла. Çак ваннăра кашни кунах 15-20-шер минут выртмалла. Курс — сывлăх лайăхланиччен.

Сывлăх
Потребителе
Ешĕл аптека

Pages