Archive - 28 Çĕртме, 2016 - Хыпар

Чăваш Енри муниципалитет йĕркеленĕвĕсен пуçлăхĕсемпе вĕсене пăхăнса ĕçлекенсем хăйсен тĕрлĕ енлĕ пултарулăхĕпе паллаштарма тăххăрмĕш хут пĕрле пухăнчĕç. Кăçал — Куславкка районĕнчи Кармал ял çывăхĕнчи лапама.

Чăваш Республикин Наци библиотекинче регионсен хушшинчи «Сăмах савăнăçĕ» кĕнекесен куравĕ уçăлнă.

Чăваш Ен пирки аграри регионĕ теме хăнăхнă. Эппин, аталану та çак тытăмра пуринчен ытла пулмалла пек. Ял хуçалăх предприятийĕсем сулмаклăн ĕçлесе пыччăр тесен вара чи кирли — кадрсем. Шел, хальхи вăхăтра асăннă отрасль производстви лайăх специалистсен тĕлĕшпе пуян теме çук.

Вĕренÿрен пушаннă хушăра ачасем тĕлли-паллисĕр ан çÿреччĕр, сывлăхне çирĕплетчĕр, харпăр хăйĕн пултарулăхне аталантарччăр тесе ашшĕ-амăшĕ кăна мар, правительство та тăрăшать.

Нумаях пулмасть Шупашкарта Союзсен çуртĕнче Чăваш Республикинчи профсоюзсен организацийĕсен пĕрлĕхĕн 29-мĕш отчетпа суйлав пухăвĕ иртнĕ. Унта Чăвашрессовпрофĕн 2011-2016 çулсенчи ĕç-хĕлне сÿтсе явнă, çĕнĕ тĕллевсене палăртнă.

Ĕнер Демьян Филиппович Семенова юлашки çула ăсатма обществăпа политика деятелĕсем, ентешĕсем, вăл пулăшнипе пурнăç çулĕ çине тухма пултарнă тата малашлăх сукмакне ăнтăлуллăн такăрлакан хаçатçăсем, çывăх тусĕ-юлташĕ хурлăхлă митинга пухăнчĕç.

Елена Павловăн, Пĕтĕм Раççейри ирĕклĕ пушар обществин /ВДПО\Чăваш Республикинчи уйрăмĕн Çĕнĕ Шупашкарти пайĕн председателĕн, вĕтĕ шăрçапа тĕрленĕ турăшĕсене МЧС ĕçченĕсен пултарулăх ĕçĕсен "Хавхалану сюжечĕсем" куравĕнче пĕрремĕш хут курма тÿр килчĕ.

Шупашкарпа Саранск хулисенчи хăвăрт утакансем чылай чухне пĕр-пĕрин хушшинче ăмăртнипе çапла калаççĕ. Чăваш тата мордва спортсменĕсен тĕрлĕ турнирти кĕрешĕвне курма хăнăхнă ĕнтĕ. Акă кăçал та Шупашкар кÿлмекĕпе «Олимпийский» стадионта иртнĕ çĕршыв чемпионатĕнче тĕл пулчĕç вĕсем.