Archive - 24 Çĕртме, 2016 - Хыпар

РФ халăх вĕрентĕвĕн тата ăслăлăх ĕçченĕсен профсоюзĕн Шупашкар хула организацийĕ /председателĕ — З.Ильина/, Шупашкар хула администрацийĕн Вĕрентÿ управленийĕ çумĕнчи педагогика ĕçĕн ветеранĕсен канашĕ /председателĕ — Н.Михеева/, Шупашкар хулинчи педагогика ĕçĕн ветеранĕсен пуçламăш профсоюз организацийĕ /председателĕ — Р.Дмитриева/, Çамрăк педагогсен канашĕ /председателĕ — А.Ляхов/ тĕп хулара вĕрентекенсен скверне уçас пуçарупа Шупашкар хула пуçлăхĕпе Леонид Черкесовпа тĕл пулнă.

Кăçалхи кăрлач уйăхĕнче Шупашкарта ача садне çÿрекенсен хушшинче пĕрремĕш хут хĕллехи Олимп вăййисене ирттернĕччĕ.

Вулаканăмăрсене халĕ паллаштаракан çын хăйевĕрлĕхĕпе тахçанах палăрса тăнă. Ун пирки «шурă курак» тенине те илтме тивнĕ. Мĕншĕн çапла каланă-ши?

Вăл яланах ыттисенчен уйрăларах тăнă: шухăшлавĕпе, тĕнче курăмĕпе, аваллăхпа кăсăкланнипе, чăваш ялĕн кун-çулне тĕпченипе, ĕлĕкхи йăла-йĕркене тĕпе хурса ял уявĕсем ирттернипе... Сăмахăм Чăваш Республикин культурăн тава тивĕçлĕ ĕçченĕ Эдуард БАХМИСОВ пирки. Вăл, Хусан педагогика институчĕн икĕ факультетне — физвоспитани тата географи — пĕтернĕскер, пурнăç çулĕпе шанчăклăн утнă. Спортсмен пулни ăна кирек мĕнле ĕçе те çăмăллăн парăнтарма, сывлăха упраса малалла ăнтăлма май панă.

Механизаторсен ăсталăхне палăртас тĕллевпе Йĕпреç районĕнчи сухаçăсен ăмăртăвне ирттересси йăлана кĕнĕ. Вăл «Рассвет» обществăн Чăрăшкасси ялĕ çывăхĕнчи хирте вăтăр виççĕмĕш хут иртрĕ.

Выльăх-чĕрлĕхрен продукци ытларах туса илесси апат пахалăхĕпе тÿрремĕнех çыхăннă. Ĕне сĕчĕ чĕлхи çинче тесе ахальтен каламан. Ăсчахсем апат пахалăхне лайăхлатас ыйтупа нумай ĕçлеççĕ.

Указ Главы Чувашской Республики от 18 июня 2016 года № 80 «О внесении изменений в Указ Главы Чувашской Республики от 4 апреля 2016 г. № 34».

Указ Главы Чувашской Республики от 20 июня 2016 года № 81 «О присуждении Государственных молодежных премий Чувашской Республики 2015 года».

Çĕртме уйăхĕн 15-16-мĕшĕсенче Шупашкар районĕнчи «Атлашевский» кооперативра машинăпа ĕне сăвакан операторсен тата выльăха искусствăлла майпа пĕтĕлентерекен техник-осеменаторсен республика конкурсĕ иртрĕ.

Вăрнар районĕнчи Малтикас ялĕшĕн пысăк савăнăç: кунта поселокри аш-какай комбиначĕн 1000 ĕне вырнаçмалăх комплексĕ хута кайрĕ.

Çапла, шăпах 90 çул каялла, 1926 çулхи çĕртме уйăхĕн 22-мĕшĕнче, пĕрремĕш хут пысăк экран çинче кăтартнă ăна. Чăвашсен пĕрремĕш илемлĕ фильмĕ çав çулах Пĕтĕм Союзри проката тухнă. Картинăри ĕç-пуç 1905 çулхи Исмел пăлхавĕпе çыхăннă.

Сценарие çирĕплетме Иоаким Степанович Максимов-Кошкинский Мускава кайнă. Комисси председателĕ СССР Тĕп ĕçтăвкомĕн председателĕ Михаил Калинин пулнă. Çапла çуралнă чăвашсен пĕрремĕш фильмĕ.

Чăваш Енĕн хастар та маттур çыннисене, тăван хутлăхăн пурнăçне ырăлăх кÿмешкĕн уйрăмах пысăк тÿпе хывнисене, Республика кунĕ умĕн чысласси йăлана кĕнĕ ĕнтĕ.