Ватă та сумлă чăваш ялĕнче, лăпкă Тусайра 1929 çулта çуралнă эпĕ. Тăван ял. Тăван кĕтес… Ачаран ун ытамĕнче рехетленсе çитĕннĕ. Тăван тавралăх пĕчĕкле ăша кĕрсе вырнаçать те мĕн сывлăш тухма пăрахичченех упранать.
Юрăçсене ачалăхри сăн ÿкерчĕкне пăхса палласа илмелли конкурс малалла пырать. «Шоу-бизнес калаçтарать» рубрикăн иртнĕ кăларăмĕнче (чÿк уйăхĕн 29-мĕшĕ) пичетленнĕ маттур ача камне пурте пĕлтĕр-и? Вăл — Чăваш Республикин культурăн тава тивĕçлĕ ĕçченĕ Алексей Шадриков. Тĕлĕнмелле, пирĕн пата хурав вĕçтерекенсенчен пĕри те йăнăшман. Чи малтан çитерекенĕ вара Муркаш районĕнчи Тяпакассинче пурăнакан Татьяна Мокеева пулчĕ, «Çулталăк юрри» концерта кайма 2 вырăнлă билет çĕнсе илчĕ. Саламлатпăр!
Виççĕри Ульянăн пĕр вырăнта аптăраса тăма вăхăт та, кăмăл та çук. Капăр чăваш çи-пуçĕллĕ пĕчĕк чиперук чăлт шурă кĕпе арки-çанни вараланасран сыхланмасăрах ĕçе пуçăнчĕ. И.Ульянов ячĕллĕ ЧПУ Культура çуртĕнче фойере вырнаçтарнă чăрăш айне купаланă тетте-парне курупкисене мĕнле кăна хурса-майлаштарса пăхмарĕ-ши? Унăн çемйине — Элĕк районĕнчи Мăн Кăканар ялĕнче пурăнакан Семеновсене — республикăри «Çулталăк çемйи» конкурс пĕтĕмлетĕвне хутшăнма йыхравланă. Çичĕ ачаллă çемьере Ульяна — чи кĕçĕнни умĕнхи.