Нарăс уйăхĕн 1-5-мĕшĕсенче М.В.Ломоносов ячĕллĕ МПУра Раççей шайĕнчи ăмăрту иртнĕ. Çамрăксен «Сывлăш инженерийĕн шкулĕ» вĕрентÿ проектне «Кванториум» технопаркра вĕренекенсем хутшăннă.
Шупашкарта чи лайăх урам тирпейлÿçисене палăртĕç. Çулленех иртекен конкурс çĕнтерÿçисене преми парса хавхалантарĕç.
Чи малтанах, нарăсăн 4-мĕшĕнче, тĕп хулари Мускав районĕнче чи лайăх урам тирпейлÿçине палăртĕç. Нарăсăн 11-мĕшĕнче Ленин тата Калинин районĕсенче те конкурса пĕтĕмлетĕç.
Çĕршывăмăрăн кашни кĕтесĕнче тĕрлĕ илем конкурсĕ йĕркелеççĕ. Шкул ачисем, хĕр- хĕрарăмсем чи чиперрин ятне çĕнсе илессишĕн кĕрешеççĕ. Вĕсен тĕрлĕ стандарта пăхăнма тивет. Сăмахран, йĕркелÿçĕсем кĕлетке виçине тимлеççĕ. «Чăваш пики» конкурсра вара çĕнтерÿçе пачах урăххине кура палăртаççĕ.
Шупашкарти çул çитмен ачасен социаллă центрĕнче «Шанăç сăпки» /Колыбель надежды/ проект пурнăçланса пырать. Тĕп хулари 3 çула çитичченхи ачасен тавра курăмне аталантарма пулăшать вăл. Садике çÿремен пепкесене йышăнаççĕ унта. Пĕчĕккисемпе центр специалисчĕсем тÿлевсĕр ĕçлеççĕ. Унсăр пуçне амăшĕсен çакăнтах тĕрлĕ ыйту хуравне тупма май пур.
Çĕртме уйăхĕн 23-мĕшĕнче Сĕнтĕрвăрри хулинче ал ĕç ăстисен конкурсĕ уçăлчĕ. Чăваш Ене çĕршывăмăр 18 регионĕнчен 81 маçтăр килсе çитрĕ. Республика чысне 13 ăста хÿтĕлет.
Чăвашла верси
Русская версия
