«Шупашкар Моноличĕ» — финалта

Нарăс уйăхĕн 1-5-мĕшĕсенче М.В.Ломоносов ячĕллĕ МПУра Раççей шайĕнчи ăмăрту иртнĕ. Çамрăксен «Сывлăш инженерийĕн шкулĕ» вĕрентÿ проектне «Кванториум» технопаркра вĕренекенсем хутшăннă.

Унта студентсем тата шкул ачисем тупăшнă. Пурĕ — 70 команда. «Кванториумран» — 6.
Хутшăнакансем космос физики, космонавтика, программăласси лекцийсенче пулнă. Математика олимпиадин задачисене шутлама вĕреннĕ.

Ача-пăча техника паркĕнчи «Шупашкар Моноличĕ» команда тивĕçлĕ хÿтĕленнĕ, финала тухнă.