Конкурс

29 Раштав, 2016

Юрла, чăваш!

Юрла, чăваш! Шăпах çак ятпа иртрĕ Анатолий Никитин композиторăн юррисене шăрантаракан çамрăк юрăçсен пĕрремĕш телекурав конкурсĕ. 3 уйăха тăсăлнă тупăшу хĕрÿ пулчĕ. Иртнĕ вырсарникун вара Шупашкарти «Салют» культура керменĕнче конкурс финалне пухăнчĕç. Çамрăксем уйăхĕ-уйăхĕпе мĕнлерех хатĕрленнине куракансем хакларĕç. Концерта килейменнисем вара ăна ЮТВ телеканалпа курайĕç.

Кунашкал конкурс пуласса ЮТВ телеканал та, «Çамрăксен хаçачĕ» те хыпарланăччĕ. Тупăшăва 16-25 çулсенчи хĕрсемпе каччăсем хутшăннă. Малтанах конкурсçăсем хăйсене килĕшекен юрра шăрантарнă. Йĕркелÿçĕсем вĕсен сассине тĕрĕсленĕ, çамрăксем хăйсене сцена çинче мĕнле тытнине хакланă. Ун хыççăн кашнин валли юрă суйланă, вĕсене «Янташ» студире çыртарнă.

Куракансем финалта республикăн тĕрлĕ кĕтесĕнчен çитнĕ çамрăксен пултарулăхĕпе паллашрĕç. Вĕсен илемлĕ сассипе килениччен жюри членĕсем сăмах илчĕç. Çамрăк юрăçсене музыка ăстисем, поэтсем, «Хыпар» Издательство çурчĕн директорĕн-тĕп редакторĕн тивĕçĕсене пурнăçлакан Дмитрий Моисеев хакларĕç, тĕрлĕ номинацире çĕнтерÿçĕсене палăртрĕç. «Чи çамрăк юрăç» номинацире темиçе çынна чысларĕç. Малалла вулас...

Ирина КОШКИНА.

Автор сăнÿкерчĕкĕ.

 

Çамрăксен хаçачĕ
Культура
Конкурс
15 Раштав, 2016

Чăваш халăх поэчĕ П.П. Хусанкай - 110 çул!

Тĕнче литературинче сумлă ят хăварнă чăваш халăх поэчĕ Петр Петрович Хусанкай çуралнăранпа 2017 çулхи кăрлачăн 22-мĕшĕнче çĕр вунă çул çитет. «Чăваш Республикин учителĕсен ассоциацйĕ» общество организацийĕн чăваш чĕлхипе литератури вĕрентекенсен секцийĕ «Тантăш» хаçатпа пĕрле вилĕмсĕр поэта чысласа пултарулăх ăмăртăвĕ ирттерес терĕмĕр. Вăййа хутшăнакансен çак ыйтусене хуравласа ал çырусене «Тантăш» хаçат редакцине кăрлач уйăхĕн 12-мĕшĕччен ярса памалла. Тĕрĕс хуравлакансене Тав хучĕпе парнесем кĕтеççĕ.

Тантăш
Культура
Конкурс
15 Раштав, 2016

Сӳнтереймĕн чунри пушара…

Чрезвычайлă лару-тăру министерствин системинче кăçал Пушар хуралĕн çулталăкĕ тесе палăртнăччĕ. Ăна халалласа вара республикăра чылай мероприяти, тĕрлĕ конкурс-вăйă иртрĕ. Вĕсенчен пĕри — «Çулăмлă йĕркесем» сăвă конкурсĕ. Тупăшăва пурĕ çĕр утмăл çамрăк сăвăç хутшăнчĕ. Çак кунсенче конкурс пĕтĕмлетĕвĕ тата çĕнтерӳçĕсен чыславĕ МЧС музейĕнче иртрĕ.

Тантăш
Вĕрентÿ
Конкурс
8 Раштав, 2016

Ман пĕрремĕш, ман юратнă вĕрентекенĕм

Чăваш Республикин Вĕренÿ институчĕн шкул çулне çитмен тата пуçламăш классен вĕренĕвĕн кафедри пуçарнипе авăн уйăхĕнче «Ман пĕрремĕш, ман юратнă вĕрентекенĕм» ятпа эссесен конкурсĕ пуçланчĕ. Кăмăл тăвакан кашни шкул ачи, ашшĕ-амăш, воспитатель, учитель хайлавсен тупăшăвне хутшăнма пултарчĕ.

Çак кунсенче вара конкурсра мала тухнисен чыславĕ иртрĕ. Жюрин кăткăс та яваплă ĕçне тăваканĕсем кашни хайлав, автор чĕри витĕр тухса, чуна тыткăнламалла шăрçаланнине палăртрĕç.

Тантăш
Вĕрентÿ
Конкурс

Pages