Archive - 1 Раштав, 2016 - Хыпар

1 Раштав, 2016

Ĕç хатĕрĕ кивелесрен

Триммер валли хĕлле ĕç çук, бензопăчкăпа та ытларах çулла ĕçлетпĕр. Эппин, вĕсене хĕлле тĕрĕс упрамалла.

Ĕç хатĕрне хĕлле упрамалли вырăн ăшă та типĕ пулмалла. Инструмента управа тĕрĕс хатĕрлемелле.

1. Бакра юлнă топливăна пушăлла ĕçлеттерсе çунтарса пĕтермелле, енчен те топливо нумай пулсан ăна юхтарса илмелле.

2. Бакри топливăна фильтрлакан хатĕре кăларса тасатмалла, кирлĕ пулсан çĕннипе улăштармалла.

3. Касакан хатĕре сÿтсе илмелле. Бензопăчкăн касакан сăнчăрне тасатмалла, çу сĕрсе таса пусма таткипе чĕркемелле, полиэтилен хутаçа хурса упрамалла.

1 Раштав, 2016

Техĕмлĕх курaкăсем

Кунжут пирки калани авалхи Перси, Иран халăхĕсен халапĕсенчех тĕл пулать. Перс тухтăрĕ Авиценна та кунжут вăррин сиплĕхĕ пирки асăнни пур.

Ăшă тропик тăрăхĕсенче çак пĕр çул ÿсекен курăк икĕ метртан та çÿллĕрех çитĕнме пултарать. Унăн тăван çĕршывĕ Африка. Унта халĕ те хăй тĕллĕнех вăрă сапса ирĕклĕн çитĕнет вăл. Кунжута апат-çимĕç, медицина промышленноçĕсем валли ытларах Азири шăрăх çĕршывсенче çитĕнтереççĕ. Пирĕн çĕршывра Краснодар крайĕнче, Кавказ тăрăхĕсенче туса илме май пур сортсене селекцилесе кăларнă.

1 Раштав, 2016

Ковролин сарар-и?

Урайне сармалли çак материала — ковролина — ăшă лайăх тытнăшăн, тирпейл.: илемл. курăннăшăн кăмăллаççĕ. Вăл сасă ямасть тата çирĕп, хăвăрт çийĕнсе пĕтмест, вараланса тĕссĕрленмест. Унăн хакĕ те чылайăшне тивĕçтерет.

Ăна ăçта сарма юрать? Ковролина пурăнмалли çуртăн çывăрмалли пÿлĕмĕсене, зала сарсан аван. Кухня яланах çÿпĕленет. Ковролина тăтăш тасатма тивет. Çавăнпа кухньăра çирĕп, яка урай пулни лайăхрах.

1 Раштав, 2016

"Хресчен сасси" 47 /2634/ №. 1.12.2016

1 Раштав, 2016

Ял чĕрĕлет, чун савăнать

Ял пушанса пыни, вăйпитти çынсем аякри пысăк хуласене ĕç шырама тухса кайни Комсомольски районĕнчи Аслă Çĕрпÿелти Николай Любимовăн чунне ыраттарнă. Тăван тăрăхран тухса кайнă яш-кĕрĕме каялла тавăрма çăмăл мар. Хула пурнăçĕ, пысăк шалу ялтан пистерет. Çамрăксене унта ĕçе вырнаçма çăмăлрах. Çулланнисен мĕн тумалла? Çемьене те вĕçĕм пăрахса тухса каяймăн. Вырăнти хуçалăх та тахçанах арканнă.

- Ялта пурăнакансене пулăшма, ĕçпе тивĕçтерме ферма уçрăм, - тет фермер.

1 Раштав, 2016

Ырă йывăçăн çимĕçĕ паха

Çурт-йĕр çавăрасси нихăçан та çăмăл пулман. Ĕлĕк тата та хĕнтерех тивнĕ. Атăл хĕрринчен 50 çухрăм аякка лашасемпе пĕрене турттарнă. Пураланă хыççăн çулталăк типĕтнĕ. Тепĕр çулне тин платниксем тытса çурт тунă. Тăватă çын уйăх ытла тăрăшнă. Паллах, вĕсене ял халăхĕ те пулăшнă. Иртнĕ ĕмĕрĕн 60-мĕш çулĕсенче электричество пулманнипе мĕнпур ĕçе алă вĕççĕн пурнăçланă. Алăк, чÿрече кăшкарне, суллине туса лартма уйрăмах кансĕр пулнă.

Pages