Выльăх усракана

Килте инкубатор туса чĕпĕ кăларасшăн. Ансат инкубатор ăсталама вĕрентеймĕр-ши?
Михаил Кольцов.
Муркаш районĕ.

Килте инкубатор хатĕрлесси кăткăс, тăкаклă ĕç тесе шухăшлама хăнăхнă. Тĕрĕссипе, ăна пит тăккаланмасăрах ăсталама пулать. Тăрăшсан вара çăмартасене вăхăт-вăхăт хăй тĕллĕн çавăракан, температурăна кирлĕ режимра тытакан инкубатор та тума пулать.

Ĕне каçпа пăруларĕ. Тепĕр ирхине ĕне патне тухсан вăл сывă маррине асăрхарăм. Аран тăчĕ, урисем чĕтреççĕ. Юрать-ха, ветеринар ĕнене тÿрех сиплесе чĕртрĕ. Парез чирĕ иккен. Халиччен пĕрре те ку чирпе тĕл пулманччĕ, чиперех пăхатпăр тесе шухăшлатăп. Мĕне пула çак чирпе аптрарĕ-ха вăл?

Алина МАРКОВА.

Елчĕк районĕ.

Сысна тирĕ ытти выльăхăнни пек çăра çăмпа витĕнмен. Сивĕрен ăна шăрт пачах та хӳтĕлеймест. Тир айĕнчи çу сийĕ çеç шăнасран хӳтĕлет. Çавăнпа сыснана ăшă вите кирлех. Сивĕ витере сыснан ăшăнма нумай энерги пĕтет, унăн иммунитет вăйсăрланать, чирлеме пултарать. Чирленĕ выльăха сиплесси çăмăл маррине аван пĕлетпĕр.

Çулла пылчăкра йăваланать пулин те тирпейсĕр тесе калаймăн сысна пирки. Вăл хăйĕн айне нихăçан та вараласа выртмасть, йăвинчен пăрăнса каяшлать. Ирхине кăларма хăнăхтарсан хăех пĕрре çӳренĕ тĕле çӳрет, урайĕнчи улăм хăвăрт вараланмасть.

Ĕне тытма вăй çитерейменнипе качака туянтăм. Кĕçех вăл пăранламалла. Качака тапратнине епле пĕлмелле-ши? Путексене пăхма та пĕлсех каймастăп. Унччен ĕне ялан усранă пулин те пăшăрханатăп.

Валентина ИЛЛАРИОНОВА.

Сĕнтĕрвăрри районĕ.

Pages

Subscribe to Выльăх усракана