Пахчаçă кĕтесĕ

Ăста пĕр пахчаçă мана помидорсене тĕрĕс лартма вĕрентнĕччĕ.

Помидора çĕре май пур таран тарăнтрах вырнаçтарма тăрăшатăп — пĕрремĕш çулçă таранах. Малтанах шăтăка шыв яратăп, унтан калчана тăпрапа витетĕп, текех шăвармастăп. Май пур чухне тымар тавра сапакан тăпрана çĕрĕкпе е кĕлпе хутăштаратăп.

Юлашки çулсенче пирĕн тă­­­­­­­рăхри сад-пахчара хура рак чирĕ сарăлни палăрать. Вăл ытларах ул­муççисене аптратать, грушăсен те тĕл пулать. Хура рак йывăçсен хăрушă чирĕсенчен пĕри, вăйлă аталансан вулă йăлтах сиенленет, йывăç 2-4 çул хушшинче хăрса ларать.

Триммер валли хĕлле ĕç çук, бензопăчкăпа та ытларах çулла ĕçлетпĕр. Эппин, вĕсене хĕлле тĕрĕс упрамалла.

Ĕç хатĕрне хĕлле упрамалли вырăн ăшă та типĕ пулмалла. Инструмента управа тĕрĕс хатĕрлемелле.

1. Бакра юлнă топливăна пушăлла ĕçлеттерсе çунтарса пĕтермелле, енчен те топливо нумай пулсан ăна юхтарса илмелле.

2. Бакри топливăна фильтрлакан хатĕре кăларса тасатмалла, кирлĕ пулсан çĕннипе улăштармалла.

3. Касакан хатĕре сÿтсе илмелле. Бензопăчкăн касакан сăнчăрне тасатмалла, çу сĕрсе таса пусма таткипе чĕркемелле, полиэтилен хутаçа хурса упрамалла.

Çитес çулхи çуркунне пăрăç-помидор, баклажан-кавăн т.ыт. пахчаçимĕç калчи çитĕнтермешкĕн тăпрана халĕ хатĕрлемелле. Пĕлсе шайлаштарнă тăпрара калча лайăх çитĕнет, сывă пулать, эппин, тухăç илесси те ÿсет.

Çитĕнтерме суйланă культурăна кура тăпра тытăмĕ шăпах ăна юрăхлă пулмалла. Универсаллă тăпра пуриншĕн те меллех мар. Тăпра тытăмĕ тĕрлĕрен пулма пултарать, анчах вăл пулăхлă кирлĕ. Хатĕр тăпрара органикăсăр пуçне микро-макро элементсем калча илме меллĕ формăра пулмалла.

Барбарис тесен чылайăшне ачалăхри канфетсем аса килеççĕ-тĕр. Ун чухне барбарис мĕнле, ăçта çитĕннине чухламан та. Халĕ вара ăна хамăр патăмăрта та лартса çитĕнтерме пуçларĕç. Унăн çырлинчен желе, варени, джем хатĕрлеме пулать. Çулçине те апатра усă кураççĕ: чей вĕретме, тĕрлĕрен маринад валли.

Барбарис пирĕн тăрăхра аван çитĕнет. Илемлĕ хĕрлĕрех çулçăллă тĕм çулла тумĕпе, пахчаçимĕç пуçтарса илнĕ хыççăн пахчана хăйĕн янкăр хĕрлĕ вĕтĕ çимĕçĕпе илем кĕртет. Унăн çырли хĕлле те тăкăнмасть. Шăпах кăштах сивĕтсен пушшех тутлă барбарис.

Pages

Subscribe to Пахчаçă кĕтесĕ