Вулакансем çыраççĕ

Иртнĕ ĕмĕрĕн 90-мĕш çулĕсенче Чăнкасси тăрăхĕнчи ялсенче çынсем черетленсе каçсерен хурала тухатчĕç.

Тепĕр кун ирхине вĕсем хурал мĕнле иртни çинчен ял канашĕн ертÿçине пĕлтеретчĕç. Уйрăмах пултаруллă хуралçăсене вырăнти хăй тытăмлăх укçан хавхалантаратчĕ, хисеп хучĕпе чыслатчĕ, пухусенче ятран мухтатчĕ.

Сĕнтĕрвăрри районĕнчи Нарат Чакки ялĕнче пурăнакан Людмилăпа Валерий Даньковсене хĕвелпе танлаштарас килет манăн. Вĕсем пĕр-пĕрне килĕштерсе, ăнланса, пулăшса пурăнаççĕ. Туслă мăшăр хĕрпе ывăл çуратса çитĕнтернĕ, пурнăç çулĕ çине кăларнă.

Çурт-йĕр çавăрасси нихăçан та çăмăл пулман. Ĕлĕк тата та хĕнтерех тивнĕ. Атăл хĕрринчен 50 çухрăм аякка лашасемпе пĕрене турттарнă. Пураланă хыççăн çулталăк типĕтнĕ. Тепĕр çулне тин платниксем тытса çурт тунă. Тăватă çын уйăх ытла тăрăшнă. Паллах, вĕсене ял халăхĕ те пулăшнă. Иртнĕ ĕмĕрĕн 60-мĕш çулĕсенче электричество пулманнипе мĕнпур ĕçе алă вĕççĕн пурнăçланă. Алăк, чÿрече кăшкарне, суллине туса лартма уйрăмах кансĕр пулнă.

Элĕк районĕнчи Татмăш ялĕнчи Геннадий Никифоровăн ирпе тăрсан ялан васкавлă ĕç пур: кил картишĕнчи выльăх-чĕрлĕхпе аппаланмалла. Паян та ĕнерхи каçах мĕн палăртса хунине вăхăтра пурнăçларĕ: витери тислĕке хырса тасатрĕ, унтан кăшман касса хучĕ. Выльăхсене кĕтĕве ярсан тин пĕр самантлăха лăш пулчĕ. Апла пулин те пÿрте кĕрсе телевизор пăхма шутламарĕ, урамра ларакан техника патне тухрĕ.

- Хаклă çыннăм, эсĕ паян апат çинĕ-и? - кăсăкланчĕ мăшăрĕ.

- Ĕçпе аппалансах хырăм выççи иртрĕ, - кĕскен хуравларĕ Геннадий Димитриевич.

Тăван хуçалăхра тимĕрçĕре ĕçленĕ тапхăра паянхи пекех асра тытать Элĕк районĕнчи Вутлан ялĕнче пурăнакан Николай Гаврилов. Ир пуçласа каçчен машинăпа трактор паркĕнче вăл. Тракторисчĕ те, водителĕ те кашни кун ун патне пыратчĕ: пĕрне пĕр детале кирлĕ шая çитерсе, теприне авнă тимĕре тÿрлетсе памалла... Вăйпитти арçын пурин ыйтăвне те вăхăтра тивĕçтерме тăрăшатчĕ: ара, ĕç тăрать-çке, çавăнпа вăраха тăсма юрамасть. Кашниех ĕçшĕн ăна тав сăмахĕсем каласа тухса каятчĕ. Ăсталăхĕ пурахчĕ Николайăн. Ятарлă пÿлĕмре тимĕре кăмакара хĕртетчĕ те хыççăн алла мăлатук тытатчĕ.

Pages

Subscribe to Вулакансем çыраççĕ