Archive - Юпа 2016 - Хыпар

Кольăн тантăшĕ Настя Степанова та вĕренÿре пысăк çитĕнÿсем тăвать. «Кашни предметпах «5» паллăпа кăна ĕлкĕрсе пыма йывăр мар-и?» — тесе ыйтсан маттурскер: «Çук», — терĕ йăл кулса. 10-мĕш класри аппăшĕ Настьăшăн — тĕслĕх. Аслин çитĕнĕвĕсене пăхса кĕçĕнни те унран юласшăн мар.

Тăваттăмĕш класри Коля Григорьев тăрăшулăхĕпе палăрать. Вĕренÿре «5» паллăпа çеç ĕлкĕрсе пыраканскер пур урока та кăмăлтан çÿрет.

Рада Герасимова Комсомольски районĕнчи Комсомольски 2-мĕш шкулĕнче вĕренет. Шкулти, районти, республикăри мероприятисене питĕ хастар хутшăнать. Ÿнер шкулне пилĕк çул çÿресе ятарлă пĕлÿ илнĕ вăл. Унта чунĕ туртнипе лекнĕ, илемлĕ ÿкерме вĕреннĕ.

Радăн хреснашшĕ — фотограф. Унăн ÿкерчĕкĕсене сăнанă май хĕрачан та çак ĕçпе аппаланас килнĕ. Ăна ытларах пейзаж ÿкерме килĕшет.

Кирилл Дмитриев пысăк та вăйлă пулма ĕмĕтленет. Юмахри паттăрсем пек. Анчах та пурнăçра йăлтах юмахри пек мар çав. Ĕмĕтсене пурнăçлакан ылтăн пулă та çук. Кирилл куншăн питех кулянмасть. Ĕмĕте пурнăçа кĕртме хăйĕн меслечĕ пур унăн: бокс секцине çÿресе çан-çурăма çирĕплетесси.

Шахмат вăййинчен кăткăсраххи мĕн пур-ши? Анчах Елизавета Петровăна ку хăратмасть. Вăл икĕ çулта чухнех шашка-шахматпа интересленме пуçланă. Виççĕмĕш класра вĕреннĕ вăхăтра республикăри шахмат турнирĕнче 1-мĕш вырăн йышăнни хăех пысăк çитĕнÿ. Ун пек кăтартусем вара хĕрачан нумай.

— Аннен çуралнă кунĕ тĕлне ăна халалласа сăвă çыртăм. Вăл савăннине курсан хам та хĕпĕртетĕп, — пĕлтерчĕ пĕррехинче Аня Борисова.

Вăрнар районĕнчи Калинино шкулĕн педагогĕсем унчченхи ăрăва та манмаççĕ, кашни уяврах тивĕçлĕ канăва тухнă учительсене саламлаççĕ. Концертпа, тутлă апат-çимĕçпе, парнепе савăнтараççĕ.

«Çĕрĕпех вăй хума хатĕр»

Çутă сÿннĕ те сеанс пуçланнă…

Юрăсăр пурнăç çук

Савăнăç парнелекен «Шуçăм»

Ырă туни ырăпа таврăнать

Патăрьел районĕнчи «Батыревский» пĕрлешÿре те тăрăшсах çĕрулми кăлараççĕ. Уяр çанталăкпа туллин усă курма тăрăшаççĕ ĕçченсем. Çавна май хăватлă техника шавĕ самантлăха та чарăнмасть, ирхине 6 сехетрен пуçласа çур çĕрчченех тăсăлать.

Асăмрах-ха иртнĕ ĕмĕрĕн 60-70-мĕш çулĕсем. Çав тапхăрта ялсенче телевизор алăри пÿрнесемпе шутламалăх кăначчĕ. Çынсем пушă вăхăта ирттерме клубсемпе кану çурчĕсене пухăнатчĕç. Унта хамăр тата ют çĕршывсенче кăларнă кинофильмсем кăтартатчĕç.