Archive - 28 Юпа, 2016 - Хыпар

28 Юпа, 2016

«Хыпар» 170-171 (27080-27081) №, 28.10.2016

28 Юпа, 2016

Пирĕн стройматериал мĕнрен япăх?

Республикăра ку чухне 3 пин ытла строительство организацине шута илнĕ. Вĕсенче 29 пин çын вăй хурать. Çав шутра 22 пинĕшĕ çурт-йĕр хăпартать, ытти материалпа тивĕçтерет.

28 Юпа, 2016

Кунта патриотсене çитĕнтереççĕ

Юнкун Чăваш Ен Пуçлăхĕ Михаил Игнатьев Шупашкарти ачасемпе çамрăксен пултарулăхĕн керменĕнче Ачасен полици академине çÿрекенсем тупа тунине тата академие йĕркеленĕренпе 10 çул çитнине халалланă савăнăçлă мероприятие хутшăннă.

28 Юпа, 2016

Туслăх çăлĕ тĕнчене

Регионсен хушшинчи «Культура урлă — халăхсен килĕшĕвĕ патне» форум официаллă майпа ĕнер кăна уçăлчĕ-ха, анчах та унпа çыхăннă мероприятисем тĕп хулара тунтикунтанпах иртеççĕ.

28 Юпа, 2016

Пĕчĕк ялăн пысăк савăнăçĕ

Йĕпреç районĕнчи Ирçе Çармăс ял тăрăхне кĕрекен Малиновка поселокĕнче «Заря» агрофирма» ОООн 200 пуçлăх çĕнĕ ĕне вити тата ĕне сумалли зал хута кайнă. Фермăна уçма республикăн ял хуçалăх министрĕ Сергей Артамонов, Йĕпреç районĕн пуçлăхĕ Александр Яковлев, райадминистраци пуçлăхĕ Сергей Горбунов, Ирçе Çармăс ял тăрăхĕн пуçлăхĕ Леонид Кураков, «Заря» агрофирма ертÿçи Рафис Айсын, ытти хăна, ял çыннисем хутшăннă.

28 Юпа, 2016

Çителĕксĕр укçа та ытлашши пулать иккен

Укçа калаçтарать — Министрсен Кабинечĕн юнкунхи ларăвĕнче укçа-тенкĕ теми тĕп вырăн йышăнчĕ. Çапла пулмасăр — бюджет проектне пăхса тухрĕç вĕт. Тепĕр тесен кун йĕркинчи бюджетпа çыхăнман ыйтусенче те укçа пиркиех калаçмалли самантсем тупăнчĕç.

28 Юпа, 2016

Хресчене пулăшнăшăн– тав!

Паян, юпа уйăхĕн 28-мĕшĕнче, республикăри аграрисем Ял хуçалăх тата тирпейлекен промышленноç ĕçченĕсен кунне паллă тăваççĕ. Ял хуçалăхĕнче продукци туса илекенсен тата апат-çимĕç туса кăларакансен кăçалхи 9 уйăхри ĕç-хĕлне пĕтĕмлетеççĕ. Республикăн ял хуçалăх министрĕ Сергей Артамонов уяв умĕн «Хыпар» ыйтăвĕсене хуравлать.

28 Юпа, 2016

Сергей ГОРБУНОВ: Çын нушине чун витĕр кăлармалла

Йĕпреç тăрăхĕ агропромышленноç комплексне ăнăçлă аталантарса пыракан районсенчен пĕри. Ку енĕпе унта тĕрлĕ инвестици проекчĕсем пурнăçланса пыраççĕ, çĕнĕ хуçалăхсем йĕркеленеççĕ, ĕç вырăнĕсем хута каяççĕ, çĕнĕ обČектсем çĕкленеççĕ. Вĕсем пирки тĕплĕнрех тата районăн социаллă пурнăçĕпе экономика аталанăвĕ çинчен райадминистраци пуçлăхĕ Сергей ГОРБУНОВ каласа пачĕ.

28 Юпа, 2016

«Симĕс ылтăн» вăй илет

Чăваш Енре хăмла производствине чĕртсе тăратасси пирки юлашки вăхăтра час-часах калаçма пуçлани савăнтарать. Хăй вăхăтĕнче республика «симĕс ылтăн» ытларах туса илессишĕн тăрăшса ĕçленĕ. Ку енĕпе ятарлă ăслăлăх-тĕпчев институчĕ те пулнă. Шел, хупăнчĕ вăл. Çак учреждени ĕçĕ-хĕлĕ çинчен каласа кăтартсан аванччĕ.

О.ПЕТРОВ.

Канаш районĕ.

28 Юпа, 2016

«Чăваш литератури хăрса пыракан йывăç мар»

Олег Федорович Андреев 1950 çулта Елчĕк районĕнчи Энтепе ялĕнче çуралнă. И.Н.Ульянов ячĕллĕ Чăваш патшалăх университечĕн хими факультетне, Чулхулари партин аслă шкулне пĕтернĕ. Тĕрлĕ шкулта, ВЛКСМăн Елчĕк район комитечĕн секретарĕнче, Энтепе шкулĕн директорĕнче вăй хунă. 1977-1991 çулсенче — Елчĕк районĕнчи комсомол тата коммунистсен комитечĕн секретарĕ, пĕрремĕш секретарĕ.

Афалек Энтепе 1973 çултанпа пичетленет. «Çулшырав» /1988/, «Хутăш вăрман» /1989/, «Киле таврăнни» /1991/ кĕнекесен авторĕ. Литературăра чылай çул ăнăçлă ĕçленĕшĕн ăна ЧАССР Аслă Канашĕн Президиумĕн Хисеп хучĕпе чысланă.