Archive - Авăн 2014 - Хыпар

Авăн уйăхĕн 14-15-мĕшĕсенче Мускавра пĕрлехи суйлав кунне халалланă "Раççей регионĕсем" медиафорум иртрĕ

Чăваш тĕнчине, унăн пур шанчăк-ĕмĕтне сирсе сирĕлми хура чаршав хупласа тăнă саманара вун çичĕ çулти поэт чун-чĕринчен «Нарспи» поэма шăранса тухать. Ытарайми çав Илем тĕнчине пултарнă поэт кун çути курнăранпа часах 125 çул тулать.

ФСИНăн республикăри управленийĕн Çĕрпÿ районĕнчи сипленсе юсанмалли 7-мĕш учрежденийĕ пирки хăйне евĕрлĕ колони теççĕ. Сăлтавсăр мар - судпа айăпланнă хĕрарăм наркомансене, ĕçкĕçсене сиплекен пĕртен пĕр учреждени, Раççейре унашкалли урăх çук.

Кăçалхи сакăр уйăхра Вăрмар райповĕн ĕç-хĕл калăпăшĕ 172,5 миллион тенкĕпе танлашнă. 142 миллион тенкĕлĕх тавар сутнă, общество апатланăвĕн тытăмĕ 42,5 миллион тенкĕ ĕçлесе илнĕ. Пĕлтĕрхи çак тапхăртипе танлаштарсан кăтартусем чылай лайăхланнă.

е Талхир хăй вăхăтĕнче малашлăхсăррисен йышне кĕнĕ

Çĕнĕ Шупашкарта Олимп резервĕн училищи ăнăçлă ĕçленине пирĕн тăрăхра кăна мар, республика тулашĕнче те лайăх пĕлеççĕ. Ăна хăçан уçнă тата унта ăсталăхне туптанисен малашнехи кун-çулĕ çинчен каласа кăтартаймăр-ши?

А.СИМОНОВА.

Пирĕн Куславкка тăрăхĕнчен культурăпа искусствăра, медицинăра, спортра пысăк çитĕнÿ тунисем сахал мар тухнă. Вĕсенчен пĕри - Юрий Георгиевич Максимов. Кам вăл, мĕнпе палăрнă халăх хушшинче?

А.ВАСИЛЬЕВА.

Чĕрĕлĕх варкăшĕ кĕртмелле

1906 çулта тухма пуçланă «Хыпар» - наци символĕ. Республикăри урăх нимĕнле кăларăм та чăваш халăхĕн тĕп хаçачĕ пулма пултараймасть. Хаçатра кам ĕçленине пăхмасăр «Хыпара» яланах юратса вуланă, вулăп та. Хăйне евĕрлĕ пулнипе те килĕшет вăл мана.

1937 çулхи нарăсăн 23 - пушăн 5-мĕшĕсенче ВКП/б/ ТК Пленумĕ иртнĕ. Пуш уйăхĕн 3-мĕшĕнче И.Сталин хăйĕн тĕп доклачĕпе тухса калаçнă. Хăйĕн сăмахĕнче класс кĕрешĕвĕ çивĕчленнине пусăмласах палăртнă, совет патшалăхĕн тĕп тăшманĕсен шутне «троцкистсене», «хăш-пĕр органсенче ĕçлекен сăтăрçăсене, диверсантсене, шпионсене, çын вĕлерекенсене» çаврăннăскерсене, кĕртсе хунă. Вĕсемпе çĕнĕ меслетсемпе кĕрешме чĕнсе каланă.

Авăнăн 17-мĕшĕнче Эрĕнпур облаçĕнче иртнĕ "Атăлçи шурăм пуçĕ - 2014" çарпа спорт вăййисене пĕтĕмлетнĕ, çĕнтерÿçĕсене чысланă. 31-мĕш ракета çарĕн командующийĕ Анатолий Кулай вăййăн куçса çÿрекен ялавне пĕрремĕш вырăн йышăннă Эрĕнпур облаçĕн "Спарта" командине панă. Иккĕмĕшсем - Пушкăрт Республикин ачисем.