Archive - 2 Авăн, 2014 - Хыпар

Çурла уйăхĕн 29-мĕшĕнче «Экспо-Контурта» Украинăран тарса килнисен ачисем валли «Сывă-и, шкул!» мероприяти йĕркеленĕ. Ăна Пĕлÿ кунне халалланă.

Авăн уйăхĕн 1-мĕшĕнче пин-пин ача парта хушшине ларчĕ. Çак кун спорт шкулĕсенче ăсталăха туптакан яшсемпе хĕрсен те хĕрÿ тапхăр пуçланчĕ.

Çапла çирĕплетеççĕ ирхи зарядкăна тухнă çынсем. «Раççей - спорт çĕр-шывĕ» форум çывхарнă май Шупашкарта «Çăлтăрпа пĕрле - зарядкăна» акци старт илнĕ.

Пушартан хăрушăрах пулăм урăх çук та пулĕ. Пĕчĕк çеç хĕлхемех пысăк инкек кăтартать. Раççей МЧСĕн Чăваш Республикинчи тĕп управленийĕн пресс-служби пĕлтерекен кашни хыпар чĕрене сÿлеттерет: пушар алхаснă, çын пурнăçĕ татăлнă... Пĕтĕмлетÿллĕ статистика яланах асăрхануллă пулмаллине çирĕплетет, аса илтерет.

Елчĕк районĕнчи Лаш Таяпари кун ирхи сăвăмран пуçланать. Чылайăшĕ килти хуçалăхра ĕне тытать. Хăшĕ-пĕрин картишĕнче мăйракаллă шултра выльăх хисепĕ 2-3-рен те иртет. Çав вăхăтрах 5-10 ĕне тытакан та пур. Ялĕпе вара 514 пуç. «Ĕне - пирĕн тĕрек, пире тăрантаракан», - теççĕ ял çыннисем.

«Çамрăк учительсем яла килнĕ», - терĕç Тăвай районĕнчи Сăхăтпуç шкулĕнче вĕренÿ çулĕн пуçламăшĕнче, 1984 çулта. Вĕсенчен пĕри - Галина Каримовна Ухтиярова, халĕ - упăшкин хушамачĕпе Яковлева. Шăмăршă ялĕнчи Чаткас ялĕнчен вăл.

Хитре, çÿллĕ, сарă вăрăм çÿçлĕ хĕр математика вĕрентет. Пур енĕпе те килĕшÿллĕ, ăслă-тăнлă, анлă тавра курăмлă, ĕçчен. Ачасене юратать, хăйĕн предмечĕпе тĕрлĕ меслетпе интереслентерет. Вăл йывăр, пур ачана та пĕр шайри пĕлÿ пама çăмăл мар, апла пулин те хастар ĕçлет.

«Пушă вырăн çынни пулман вăл», - теççĕ ун пеккисем пирки.

Ывăлпа авалхи Аслă Пÿлер хулине çитсе куртăмăр. Ăна 922 çулта никĕсленĕ. Хула тикĕс вырăнта вырнаçнă. Ун çумĕпех Кĕçĕн Çарăмсан шывĕ юхса иртет.

Федерацин «Рослесозащита» учрежденийĕн Чĕмпĕр облаçĕнчи филиалĕн инженер-лесопатологĕ Николай Казаков литература ĕç-хĕлне кÿлĕннĕренпе 30 çул çитнине паллă турĕ.

Пенза облаçĕнчи Наровчат районĕнче Сканово ялĕ пур. Кунта XVII ĕмĕрте хĕрарăмсен Троица-Сканово мăнастирĕ пулнă. Унччен ăна Сканово çĕр хăвăл мăнастирĕ тенĕ. Хăвăла манахсем чавса тунă. Ăсчахсемпе археологсем каланă тăрăх - ăна Киев-Печера мăнастирĕнчен те маларах никĕсленĕ.

Пушкăрт Республикинчи «Самана» продюсер центрĕн ертÿçи Ф.Кузьмин чĕннипе кăçал Пушкăртстан çĕрĕнче пулса курма тÿр килчĕ. Ушкăна /Чăваш Республикин тава тивĕçлĕ артисчĕ Василий Раймов, Алина Савельева, Ирина Шинжаева юрăçсем/ Андрей Кузнецов юрăç пуçтарчĕ.

Пушкăртстан еннелле выртакан çул çывăх мар: 800 çухрăм каймалла. Çул тăршшĕпе çут çанталăк илемĕпе киленсе пытăмăр. Хĕвел çаврăнăш уйĕсем, капăр чечексем мĕлтлетсе юлаççĕ... Анлă Кама шывĕ патĕнчен иртрĕмĕр. Йĕри-тавра тусем, сăртсем тÿпенелле кармашаççĕ...