Брифинг

17 Ноября, 2017 | Спорт | Брифинг

Тепĕр икĕ эрнерен Шупашкарта пуçласа хĕрарăмсен хушшинче ирĕклĕ мелпе кĕрешес енĕпе Тĕнче кубокĕ иртет.

Раштавăн 1-2-мĕшĕсенче «Шупашкар — Арена» пăр керменте Японин, Китайăн, Азербайджанăн, Монголин, Швецин, Украинăн тата Раççейĕн пĕрлештернĕ командисенчи спортсменсем вăй виçĕç. Вĕсем сакăр виçе категорийĕнче ăмăртĕç.

Çурла уйăхĕн 23-мĕшĕнче ЧР Министрсен Кабинечĕн Председателĕн çумĕ — ял хуçалăх министрĕ Сергей Артамонов, юстиципе пурлăх хутшăнăвĕсен министрĕ Наталья Тимофеева, патшалăх ветеринари службин ертÿçи Сергей Скворцов журналистсене Шупашкар районĕнчи «Чăваш бройлерĕ» акционерсен уçă обществин тĕп харпăрлăхçисем çак предприятие çав-çавах аталану çулĕ çине тăратманран фабрика умне çĕнĕ йывăрлăхсем тухса тăнине пĕлтерчĕç.

Кăçалхи утă уйăхĕн 29-мĕшĕнче нумай хваттерлĕ пурăнмалли çуртсенче çурта тытса тăнăшăн тÿлемелли йĕркене çĕнĕлĕхсем кĕртессипе федераци саккунне йышăннă. Çавна май Чăваш Республикин çурт-йĕр инспекторĕ Александр Юркин паян журналистсемпе тĕл пулчĕ, çĕнĕлĕхсем çинчен каласа пачĕ.

Кăçалхи кăрлачăн 1-мĕшĕнчен универсаллă электрон карттă /УЭК/ пама чарăннă, çапах ăна маларах илнисем карттăн юрăхлăх вăхăчĕ вĕçлениччен унпа усă курма пултараççĕ — çапла пĕлтерчĕç ЧР Информаци политикипе массăллă коммуникацисен министерстви йĕркеленĕ брифингра.

Чăваш Ен Пуçлăхĕ çак кунсенче алă пуснă çĕнĕ указсем, ЧР Правительствин йышăнăвĕсем пирки халăха тĕплĕнрех ăнлантарас тĕллевпе республикăри министерство-ведомство ертÿçисем, влаç органĕсен ытти представителĕ Чăваш наци телерадиокомпанийĕнче брифинг ирттерчĕç, журналистсене комментарисем пачĕç.

Pages

Subscribe to Брифинг