Archive - 1 Ака, 2014 - Хыпар

ЧР Министрсен Кабинечĕн Председателĕ Иван Моторин правительствăн патшалăх пурлăхĕпе хуçаланассине тĕрĕслесе тăракан комиссийĕн ларăвне ирттерчĕ.

Пуш уйăхĕн 28-мĕшĕнче Чăваш Ен Пуçлăхĕ Михаил Игнатьев Ĕпхÿре Раççей Федерацийĕн Президенчĕн федерацин Атăлçи округĕнчи полномочиллĕ представителĕ çумĕнчи Канашăн ларăвне хутшăннă. Унта Федерацин Атăлçи округĕнче тăван тавралăха сыхлас, вăрман хуçалăх сферинче, çут çанталăкпа усă курас енĕпе патшалăх политикине пурнăçлас ыйтусене сÿтсе явнă.

Куславкка районĕнчи Кивĕ Тĕрлемесре Гаврил Кореньков сăвăçа яланах асра тытаççĕ, çулсерен ялта тата районта тĕрлĕ мероприяти йĕркелеççĕ.

Пуш уйăхĕн 31-мĕшĕнче Чăваш Республикин Пуçлăхĕ Михаил Игнатьев республика Правительствин членĕсемпе, влаçăн территори органĕсен тата муниципалитетсен ертÿçисемпе канашлу ирттернĕ.

Чăваш Енри потребительсен рынокĕнчи лару-тăрăва экономика аталанăвĕн, промышленноçпа суту-илÿ министрĕ Владимир Аврелькин тишкернĕ. Вăл Раççей Экономика аталанăвĕн министерствин прогнозĕпе килĕшÿллĕн 2014 çулта Раççей Федерацийĕнче инфляци тĕллевлĕ кăтартуран /5%/ ÿсессе, 5,5-6% пуласса палăртнă.

Ачана виçĕ çула çитиччен пăхмашкăн илнĕ отпускра лартнă вăхăтра предприятие хупнипе мана ĕçрен кăларса ячĕç. Кун пек чухне çĕнĕ вырăн тупиччен ĕçпе тивĕçтерекен центрта икĕ эрне иртиччен учета тăма юрать-и?

Любовь.

Çĕнĕ Шупашкар хули.

Ĕçсĕрлĕх пособийĕ тÿлемелли тапхăра мĕнле палăртаççĕ?

Валентина.

Хĕрлĕ Чутай районĕ.

Йывăр чире пула больничнăй лист пачĕç. Тухтăрсем çирĕплетнĕ тăрăх - сиплев пилĕк уйăха яхăн тăсăлмалла. Ĕçлев центрĕнче учетра сыхланса юлас тесен манăн мĕн тумалла? Кун пек чухне ĕçсĕрлĕх пособийĕн виçи мĕнле пулать?

Людмила.

Шупашкар хули.

Ленинград облаçĕнчи Гатчина хулинче бадминтон енĕпе Раççей чемпионачĕ иртнĕ. Илтменнисен ăмăртăвне 6 регионтан 30 яхăн спортсмен хутшăннă. Унта Чăваш Ен атлечĕсем те вăй виçнĕ.

Район хаçачĕн 1970 çулхи пĕрремĕш номерне кăларнă хыççăнах эпир - тĕп редактор, унăн çумĕ, яваплă секретарь - университет-института экзамен тытма тухса кайрăмăр.

Иртнĕ кăларăмра пичетленнĕ Нинăн çырăвĕ питĕ шухăша ячĕ. Эпĕ унăн çырăвне темиçе хутчен те вуларăм, унтан та ытла "Секрет" документлă фильма нумай хутчен те пăхрăм. Пытармастăп, çыру та, фильм та манăн пурнăçа улăштарчĕç. Эпĕ шухăшлани, палăртни пĕчĕккĕн пурнăçланма тытăнчĕ. Кăмăл-туйăм та, сывлăхăм та лайăхланчĕ. Пĕлĕшĕмсем Ронда Бернăн "Тайна", Джон Кехăн "Подсознание может все!" кĕнекисене сĕнчĕç те - хаваспах паллашрăм.