Ĕçпе тивĕçтерекен служба

Халăха ĕçпе тивĕçтерессипе çыхăннă мероприятисенчен пĕри - тÿлевлĕ общество ĕçĕсене йĕркелени. Тÿлевлĕ общество ĕçĕсене йĕркелени - патшалăхăн пулăшу ĕçĕ, унпа ĕçлев центрĕсенче юрăхлă ĕç тупас тĕллевпе ĕç шыракан е ĕçсĕр çын пулса регистрациленнĕ граждансене тÿлевсĕр тивĕçтереççĕ. Çапла вара ĕç шыракан тата ĕçсĕр граждансем çак пулăшу ĕçĕпе усă куракансем, çавна май общество ĕçĕсене хутшăнакансем пулса тăраççĕ.

2015 çулхи I кварталта общество ĕçĕсене республикăра пурăнакан 1330 çын ытла хутшăннă. Çак ĕçсене хутшăннисен пĕтĕмĕшле йышĕн 59,5% - хĕрарăмсем.

Халăха ĕçпе тивĕçтерекен центрсен мобильлĕ офисĕсем районсенчи инçетри ялсенче пурăнакансем патне асăннă служба çăмăллăхĕсемпе килĕсене пырсах тивĕçтереççĕ.

Чăваш Республикинчи ĕç рынокĕ ытларах ыйтакан профессисен /специальноçсен/ переченĕ

Рабочи специальноçĕсемлĕ профессисен шутне çаксем кĕреççĕ:

l çĕвĕç /940 çын, уйăхри шалу - 12132 тенкĕ/*

l кондуктор /344 çын / 12446 тенкĕ/*

l повар /297 çын / 11443 тенкĕ/*

l троллейбус водителĕ /294 çын / 22429 тенкĕ/*

l каменщик /267 çын / 20569 тенкĕ*

l пулăшакан /подсобный/ рабочи /203 çын /8312 тенкĕ/*

l производство тата служба пÿлĕмĕсен тирпейлÿçи /180 çын /7731 тенкĕ/*

l автомобиль водителĕ /130 çын / 13726 тенкĕ/*

Раççей Федерацийĕн Правительствин 2015 çулхи январь уйăхĕн 22-мĕшĕнчи «Раççей Федерацийĕн субъекчĕсен бюджечĕсене ĕç рынокĕнчи кăткăслăха сирес тĕллевпе халăха ĕçпе тивĕçтерес тытăмра хушма мероприятисене пурнăçа кĕртмешкĕн федераци бюджетĕнчен 2015 çулта субсиди уйăрса парасси тата валеçесси çинчен» йышăнăвĕпе килĕшÿллĕн Чăваш Республикин Министрсен Кабинечĕн хушăвĕпе Чăваш Ен Халăха ĕçпе тивĕçтерекен патшалăх служби кăçал ĕç рынокĕнчи кăткăслăха сирес тĕллевпе халăха ĕçпе тивĕçтерекен тытăмра ирттермелли хушма мероприятисен программине хатĕрлеме тытăннă.

Чăваш Ен Халăха ĕçпе тивĕçтерекен патшалăх служби Японин «Фуджикура Аутомотив» компанийĕ Шупашкарта йĕркелекен çĕнĕ производство валли кадрсем суйласа илмешкĕн пулăшма хатĕр.

Pages

Subscribe to Ĕçпе тивĕçтерекен служба