Ĕçпе тивĕçтерекен центрта учетра тăнă тапхăр страховани стажне кĕрет-и?
О.КРЫЛОВА Канаш хули.
Ĕçсĕрлĕх пособине илсе тăнă, общество ĕçĕсене хутшăннă, ĕçлев службин органĕ янипе ĕçе вырнаçмашкăн ытти вырăна куçса каяссипе çыхăннă тапхăр страховани стажне кĕрет.
Кĕçнерни кун, авăн уйăхĕн 25-мĕшĕнче, Чăваш Енĕн Халăха ĕçпе тивĕçтерекен патшалăх службин коллегийĕн ларăвĕ иртнĕ. Унта республикăн Суту-илÿпе промышленноç палатин президенчĕ Игорь Кустарин, ЧР сывлăх сыхлавĕн министрĕн çумĕ Галина Германова, Чăваш Енĕн ĕçлевĕн тĕп патшалăх инспекторĕн тивĕçĕсене вăхăтлăх пурнăçлакан Раиса Павлова тата коллегин ытти членĕ хутшăннă.
Республикăн ĕçе вырнаçтаракан службин органĕсем паракан патшалăх пулăшăвĕсенчен пĕри - 14-18 çулсенчи çул çитмен çамрăксен вĕренÿрен пушă вăхăтри вăхăтлăх ĕçне йĕркелесси. Ĕçе хăнăхса çамрăксен пулас профессине лайăх ăнкарса суйласа илме май пур, çакă малашне ĕçчен, социаллă пурнăçра яваплă ăру çитĕнтерме пулăшĕ.
Чăвашла верси
Русская версия
