Archive - 8 Ака, 2014 - Хыпар

8 Ака, 2014

Михаил ИГНАТЬЕВ: "Полномочисен вăхăчĕ вĕçлениччен тивĕçе тÿрĕ кăмăлпа пурнăçлăп"

Чăваш Ен Пуçлăхĕ "Хыпар" тата "Советская Чувашия" хаçатсен ыйтăвĕсене хуравлать

8 Ака, 2014

Пăр кермен пулатех

Ака уйăхĕн 7-мĕшĕнче Чăваш Ен Пуçлăхĕ Михаил Игнатьев республика Правительствин членĕсемпе, влаçăн территори органĕсен тата муниципалитетсен ертÿçисемпе канашлу ирттернĕ.

ЧР Тĕп суйлав комиссийĕн председателĕ Александр Цветков 2014 çулхи ака уйăхĕн 13-мĕшĕнче Чăваш Республикин вырăнти хăй тытăмлăх органĕсен хушма тата срок çитичченхи суйлавне ирттерме мĕнле хатĕрленнине пĕлтернĕ.

8 Ака, 2014

Сывлăх кунĕнче - волейбол лапамне

«Спартак» спорт шкулĕнче патшалăх влаç органĕсен ĕçченĕсен командисен хушшинче волейбол турнирĕ иртнĕ. Пĕтĕм тĕнчери сывлăх кунне халалланă ăмăртăва республика Пуçлăхĕ Михаил Игнатьев хутшăннă.

8 Ака, 2014

Ĕмĕчĕсем çутă та пысăк

Елчĕкри Валериан Иноходов предприниматель хăйĕн ĕçне пуçарнăранпа вăхăт нумаях иртмен-ха, çапах ăна районти тата кÿршĕллĕ Патăрьел, Каçал тăрăхĕсенчи çынсем - килĕсенче кайăк-кĕшĕк тытакансем - аван пĕлеççĕ.

8 Ака, 2014

«Паянхи ĕçе ырана хăвармалла мар»

Вырăнти бюджетсем 2013 çулта мĕнле пурнăçланни, нумай хваттерлĕ çуртсене тĕпрен юсамалли çĕнĕ тытăма йĕркелесси, шкулчченхи учрежденисенче ачасене пăхассин пахалăхне ÿстересси, çур акипе çыхăннă ял хуçалăх ĕçĕсене вăхăтра туса ирттересси - шăпах çак темăсене сÿтсе яврĕç ака уйăхĕн 5-мĕшĕнче муниципалитет районĕсемпе хула округĕсен администрацийĕсен ертÿçисемпе ирттернĕ канашлура. Ăна Чăваш Ен Пуçлăхĕ Михаил Игнатьев ертсе пычĕ.

8 Ака, 2014

Ячĕ асăмăрта

Пурăннă пулсан вăл ĕнер 80 çул тултармаллаччĕ. Çук, вăхăт шеллемерĕ ăна: сакăр çул каялла пирĕнтен яланлăхах уйăрса кайрĕ. Республика аталанăвĕшĕн тунă ĕçĕ историре çырăнса юлчĕ. Сăмахăм - обществăпа политикăн, халăх хуçалăхĕн хастар ĕçченĕ, чылай çул республика правительствине ертсе пынă Леонид Прокопьев çинчен.

8 Ака, 2014

Пулăшу хресчене тĕревлет

Çĕр ĕçченĕ тĕрлĕ тĕллевпе çулленех субсиди илет. 2013 çулта республикăна аграрие вăл 2 млрд та 450 млн тенкĕлĕх çитнĕ. 2012 çулхинчен 16% ытларах.

- Патшалăх пулăшăвĕн пĕлтерĕшĕ пысăк. Ăна пулах Чăваш Енри мĕн пур тытăмри ял хуçалăх организацийĕсен 72 проценчĕ пĕлтĕр тупăшлă ĕçленĕ, пĕтĕмпе 800 млн тенкĕлĕх услам илнĕ, - терĕ журналистсене брифингра ЧР ял хуçалăх министрĕ Сергей Павлов.

Патшалăх пулăшăвĕ кăçал 1,7 млрд тенкĕпе танлашать. Пĕлтĕрхинчен самаях пĕчĕк, апла пулин те малтан палăртнă лимитран 4% нумайрах.

8 Ака, 2014

«Чăваш хĕрĕсем ĕçчен те маттур»

1957 çулхи çурла уйăхĕн 1-мĕшĕнче эпир, Çĕрпÿри библиотека техникумĕнче вĕренекен 30 хĕр, комсомол путевкипе Казахстана çерем уçма каймашкăн хатĕрлентĕмĕр. 18-19 çулсенчи ушкăна хамăр районти Галина Максимова, Клара Мюресова, Раиса Пермякова лекрĕç.

8 Ака, 2014

Çĕнĕлĕхсем кам валли?

Куславкка районĕнчи Ырашпулăха епле манăн-ха? Иртнĕ ĕмĕрĕн 60-мĕш, 70-мĕш çулĕсенче унта кайсах тăнă. Тăвансем çут тĕнчерен уйрăлнăранпа çÿремен. Нумай çул иртнĕ пулин те пĕлтĕр юпа уйăхĕнче ялта пулма тÿр килчĕ. Вăл унчченхи сăнне пачах çухатнă.

Пилĕк урамĕ те чиперччĕ. Халĕ тăваттăшĕ сайраланнă, Çирĕклĕ текенни çеç çĕнĕ çуртсемпе пуянланнă. Вăрманкаспа Салтак картишĕ ятлисем пĕтнĕпе пĕрех.