Archive - Ака 2017

— Эпир вĕçен кайăксенчен нимпе те кая мар, кĕркунне мĕн пур ĕçе вĕçленĕ хыççăн Шупашкара таврăнатпăр, çуркунне, ака пуçламăшĕнче, каялла яла килетпĕр, — теççĕ Асанкассинче пурăнакан Анатолийпе Ираида Портновсем. Тин çеç хуларан çитнĕ пĕр вырăнта ларма-тăма пĕлмен кил хуçи шăпах улмуççин хăрăк турачĕсене касатчĕ. «Кашнин хăйĕн вăхăчĕ, часах хурт-кăпшанкă вăранать, ăшăтиччен хурлăхан тĕмĕсене вĕри шывпа шăварма ĕлкĕресчĕ», — садри йывăç-тĕме пăхса çаврăнчĕ Ираида Михайловна.

Канаш районĕнчи Ăвăспÿрт Кипеч шкулĕнче нумаях пулмасть агрокласс уçăлчĕ. Николай Семенов агроном ирттерекен занятисене 8-9-мĕш классенче вĕренекенсем юратса çÿреççĕ.

Чÿк уйăхĕнчи Полици кунне кашниех пĕлет — вăл халăх уявне çаврăннă теме те юрать. Йĕркелĕх хуралĕн «шурсухалĕсен» вара тепĕр праçник те пур — Шалти ĕçсен органĕсен ветеранĕсен кунĕ. Ăна çуллен ака уйăхĕн 17-мĕшĕнче паллă тăваççĕ. Паллă кун умĕн эпир Чăваш Республикинчи Шалти ĕçсен органĕсен тата шалти çарсен ветеранĕсен канашĕн президиумĕн членĕпе, отставкăри милицин подполковникĕпе Вячеслав Ендеровпа, курнăçрăмăр, çывхаракан уяв, ветерансен канашĕн ĕçĕ-хĕлĕ пирки калаçрăмăр.

Театр искусствин «Чĕнтĕрлĕ чаршав» конкурсĕн кăçалхи çĕнтерÿçисенчен пĕри — К.В.Иванов ячĕллĕ Чăваш патшалăх академи драма театрĕн актриси Эмилия Назарова. Вăл Владислав Николаевăн «Пихампар чунĕ манра» пьеси тăрăх Валерий Яковлев режиссер лартнă спектакльти Сипет сăнарĕпе «Хĕрарăм рольне чи лайăх калăплакан» номинацире мала тухрĕ.

Чăваш ялĕсенче йăла-йĕрке манăçман-и?

Ĕлĕк чăвашсем Мăнкуна епле уявланă? Паян çав йăла упранса юлнă-и? Тури чăвашсемпе анатрисен йăли-йĕрки пĕр-пĕринчен мĕнпе уйрăлса тăрать? Çак тата ытти ыйтăва шăпах Мăнкун умĕн хускатас терĕмĕр.

Укçа паян пур та, ыран — çук

Муркашри Роза Владимирова хваттерĕ музее аса илтерет. Стенасем çинче — хăй аллипе чун панă тĕрĕ-картинăсем. Ахальлисем мар, ĕлĕкхи художниксен произведенийĕсем тăрăх ăсталанисем.

Хисеплĕ вулаканăмăрсем! Эсир те килти архивăрти кивĕ сăн ÿкерчĕксене "Хыпар" хаçат редакцине ярса пама пултаратăр. Унта сăнланнă çынсем е пулăм çинчен çырма тата сăн ÿкерчĕке кам, хăçан тунине палăртма ан манăр.

Ака уйăхĕн 9-мĕшĕнче «Шупашкар-Арена» пăр керменĕнче хĕллехи сезона пĕтĕмлетнĕ. Шупашкарти Олимп резервĕсен 2-мĕш спорт шкулĕ ирттернĕ мероприятие ЧР спорт министрĕ Сергей Шелтуков, Олимп чемпионки Елена Николаева, республикăри спорт федерацийĕсен тата спорт шкулĕсен ертÿçисем хутшăннă.

Çурхи кун çулталăк тăрантарать

Тĕнче уçлăхĕпе туслашнă паттăрсем

Пурнăç çынни

Хĕвел пек ăшă çынсем

Иртнĕ эрнере Çĕрпӳ районĕнче çурхи ака-сухана хатĕрленсе ирттерессипе республикăри семинар-канашлу иртрĕ. Пухăннисем малтан «Авангард» тулли мар яваплă обществăн «Çĕрпӳ беконĕ» филиалĕн ĕçĕ-хĕлĕпе, хĕрӳ тапхăра мĕнле хатĕрленнипе паллашрĕç. Унтан канашлу Сăнав поселокĕнчи культурăпа спорт комплексĕнче тăсăлчĕ.