Archive - 20 Çурла, 2016

Указ Главы Чувашской Республики от 16 августа 2016 года № 108 «О внесении изменений в некоторые указы Главы Чувашской Республики».

Чи хитре механизатор

Техникăна ăнланакансем

Чăваш пики - чи вăйлисенчен пĕри

Пурнăçăн репетици çук

Хĕрарăм хăй - пĕр тĕнче

Сиплĕ ÿсен-тăран

17-ри каччă 71 çулти хĕрарăмпа пĕрлешнĕ

Ывăлне пулăшас тенĕ

Хуплашкана Александр Плехановăн «Ял хуçалăхĕн çыравĕ пуçланнă терĕç» карикатурипе илемлетнĕ. Иккĕмĕш страницăра капкăнçă курни-илтнинчен йĕркеленĕ кулăш ярăмĕ пур. Виççĕмĕш, вун иккĕмĕш, вун виççĕмĕш страницăсенче ял хуçалăх çыравĕ пирки хатĕрленĕ материалсем.

"Пурнăç - пăрăç, хÿри - пăрăнăç", "Пулать вĕт", "Пултаракансемпе култаракансем" тата ытти рубрикăсенче сире интереслĕ материалсем кĕтеççĕ.

Çавăн пекех кунта Лидия Саринен икĕ калавне вырăн панă. Кроссворд тата илемлĕ ÿкерчĕксем пур.

Пĕтĕм Раççейри çуллахи спорт ял вăййисен финалĕ Сарă ту облаçĕнче утă уйăхĕн 15-20-мĕшĕсенче иртнĕ. 600 пин çын таран пурăнакан регионсен хушшинче республика чысне хӳтĕлекенсем «бронзăна» тивĕçнĕ. Раççей шайĕпе вара пирĕн пĕрлештернĕ команда — улттăмĕш вырăнта. Пĕрремĕшсем — Тюмень облаçĕн маттурĕсем.

Чăваш Ен студенчĕсем пĕтĕм тĕнчери робототехника олимпиадине хутшăнма Раççей пĕрлештернĕ командин йышне кĕме пултарнă. Ăс-тăн çивĕчлĕхĕпе палăрнисем — И.Н.Ульянов ячĕллĕ ЧПУн машиностроени факультетĕнче вĕренекен Сергей Мишинпа Андрей Николаев.

Рио-де-Жанейрора Олимпиада вĕçленсе пырать. Ăмăртусен вунвиççĕмĕш кунĕ хыççăн Раççей медальсен йышĕпе пиллĕкмĕш вырăнта пырать. Америка команди — пĕрремĕш. Пирĕн спортсменсем хальлĕхе 12 ылтăн, 15 кĕмĕл тата 17 пăхăр медаль çĕнсе илнĕ.

Çу çитсессĕн ашшĕ-амăшне пĕртен-пĕр ыйту канăç памасть — юратнă пепкине шăрăх кунсенче ăçта ăсатмалла? Пурин те яла, аслашшĕ-асламăшĕ, кукашшĕ-кукамăшĕ патне, каймашкăн май çук-çке. Шăрăх та пăчă тапхăрта вара ачана хулари тăвăр хваттерте тытас килмест. Пушшех те, аслисен куçĕнчен вĕçерĕннĕскер кунĕпе кампа хутшăннине, мĕн ĕçленине кам сăнаса çитерĕ? Инкек вара сыхласах тăрать тейĕн...

Çак эрнере К.В.Иванов ячĕллĕ Литература музейĕнче педагогика ăслăлăхĕсен кандидачĕн, республикăри художниксен союзĕн членĕн Инна Лялинăн «Чăваш сюити» куравĕ уçăлчĕ. Унта унăн малтанхи тата хальхи ĕçĕсемпе паллашма пулать.

Чирлес мар тесен хупах, шурут тата кукша пуç тымарне çеç пухмалла-мĕн. Курăксемпе сиплекен, мăнастырьте пурăнакан 89 çулти Елена Зайцева çапла сĕнет.

Шурут ирттермен пĕр чир те çук. Унпа выльăхсем те сипленеççĕ. Çыншăн вăл япаласен ылмашăвне йĕркене кĕртнипе паха.

Шурут шывĕпе водянкăран, шыçăннăран, шăк хăмпи шыçнинчен тата шăк тытманран, ват хăмпинче чул пулсан, ӳпкен, мăкăльтин хăть те хăш чирне те, вар-хырăм амăкĕсене сиплеме, юнри сахăр виçине чакарма, юн пусăмне йĕркене кĕртме усă кураççĕ.