Archive - 12 Çурла, 2016

Чăваш Ен Пуçлăхĕ Михаил Игнатьев çурла уйăхĕн 9-мĕшĕнче Çĕмĕрле тăрăхне çитсе курни çинчен иртнĕ номерте пĕлтернĕччĕ. Паян çулçӳрев çинче тĕплĕнрех чарăнса тăрар.

Строительсем ĕнер хăйсен професси кунне паллă тума Шупашкарти филармони çуртне пухăнчĕç. Хирĕçех асфальт хуракан машина ĕçлет — строительсем хăйсен праçникĕнче те алă усса лармаççĕ çав.

Кăçал Физкультурник кунне çурла уйăхĕн 13-мĕшĕнче паллă тăваççĕ. Çавна май Чăваш патшалăх филармонийĕнче савăнăçлă уяв маларах иртрĕ. Унта паллă спортсменсемпе тренерсем, спорт шкулĕн воспитанникĕсемпе вĕрентекенсем, спорт учрежденийĕсен ертӳçисемпе спорт ветеранĕсем хутшăнчĕç.

Хула кунĕ умĕн Шупашкар хулин хисеплĕ гражданинне палăртасси ырă йăла пулса тăчĕ. Чи малтан хисеплĕ çак ята Андриян Николаев летчик-космонавта 1983 çулта панă. Ку таранччен йыш 31 çынна çитнĕ. Кăçал сумлă çак ята Анатолий Леонтьевпа Николай Григорьев тивĕçрĕç. Ку йышăнăва Шупашкар хула депутачĕсем ĕнер черетсĕр 9-мĕш ларăвĕнче çирĕплетрĕç.

Чуна парса ӳстерсен кăна улмуççи вун-вун çул хăйĕн çимĕçне парать, юратса тунă ĕç çеç лайăх кăтартусемпе савăнтарать. Тренерăн «çимĕçĕ» — спортсменсен çитĕнĕвĕсем.

«Ĕç кал-кал пырать, эпир ориентирсене тĕрĕс суйласа илнĕ», — çапла пуçларĕ ЧР Пуçлăхĕ Михаил Игнатьев Министрсен Кабинечĕн юнкун Правительство çурчĕн Ларусен пысăк залĕнче иртнĕ анлă ларăвне.

Елчĕк районĕнчи Курнавăш ялĕнче çурт туянса унта пурăнма тытăннăранпа 5 çул çитрĕ ĕнтĕ. Нумайăшĕ хуланалла туртăнать, эпир вара мăшăрпа яла куçса килтĕмĕр, çак утăма тунăшăн пĕрре те ÿкĕнместпĕр.

Следстви комитечĕн Çĕмĕрлери пайĕ Хĕрлĕ Октябрь ял тăрăхĕн администрацийĕн пуçлăхĕ тĕлĕшпе пуçарнă уголовлă ĕçе тĕпчесе пĕтернĕ. Ăна ултавшăн тата должноç полномочийĕсен картинчен тухнăшăн айăплаççĕ.