Нумаях пулмасть шкул тулашĕнчи ĕçсен «Эткер» центрĕнче федерацин Атăлçи округĕнчи шкул ачисен ăс-хакăл олимпиадин регион шайĕнчи тапхăрĕ — «Мĕн? Ăçта? Хăçан?» вăйă — иртнĕ. Аса илтерер: проект РФ Президенчĕн федерацин Атăлçи округĕнчи полномочиллĕ представителĕ Игорь Комаров пулăшăвĕпе пурнăçланать.
Чăваш Ен студенчĕсем федерацин Атăлçи округĕнче «Мĕн? Ăçта? Хăçан?» ăс-хакăл олимпиадине хутшăнĕç.
Кăрлач уйăхĕн 21, 23-мĕшĕсенче И.Н.Ульянов ячĕллĕ Чăваш патшалăх университетĕнче физикăпа Джеймс Максвелл ячĕллĕ олимпиада иртнĕ. Унта республикăри 7-8-мĕш классенче вĕренекенсем тата 9-11-мĕшсем хутшăннă. Маларах вĕсем районти олимпиадăра çĕнтерÿçĕсем пулнă.
Патшалăх чĕлхисен Пĕтĕм Раççейри олимпиадине чăваш ачисем те хутшăннă. Тупăшăвăн юлашки тапхăрĕ Хусанти Лев Толстой ячĕллĕ федераци университечĕн Филологипе культура коммуникацийĕн институтĕнче пушăн 29-31-мĕшĕсенче иртнĕ.
Пуш уйăхĕн 17-мĕшĕнче ЧПУн чăваш тата вырăс филологийĕпе журналистика факультетĕнче шкул ачисен хушшинче «Наукăна — пĕрремĕш утăм» литература олимпиадин куçăм тапхăрĕ иртнĕ.
Унта Шупашкарти, Куславккари, Муркаш тата Шупашкар районĕсенчи шкул ачисем хутшăннă. Çак тапхăра пĕлтĕрхи олимпиадăсенче тата кăçалхи кăрлачăн 15-мĕшĕнчен пуçласа нарăсăн 15-мĕшĕччен пынă куçăн мар тупăшура çĕнтернĕ ачасем хутшăнма тивĕçнĕ.
l степеньлĕ Диплома Шупашкарти 44-мĕш лицейра 7-мĕш класра вĕренекен Татьяна Яковлева тивĕçнĕ.
Чăвашла верси
Русская версия
