Чăваш Ен çамрăкĕсем паян ăс-хакăлне Интеллектуаллă олимпиадăра тĕрĕслеççĕ. «Что? Где? Когда?», «Робототехника», «Программировани» çак тата ытти конкурссенче Хусанта Атăлçи тăрăхĕнчи ачасемпе тупăшаççĕ вĕсем.
Паян ирхине Шупашкарти чукун çул вокзалĕнче Раççей чысне хĕллехи Олимп вăййисенче хÿтĕленĕ Татьяна Акимовăна кĕтсе илтĕмĕр. Планетăри чи сумлă ăмăртура пирĕн ентеш нимĕн те çĕнсе илеймерĕ пулин те вăл чăваш халăхĕпе республикăн ятне çĕре ÿкерес мар тесе чунтан ăтрăшрĕ.
Паян Çĕнĕ Шупашкар спортсменĕ Лана Прусакова Кăнтăр Корейăран тăван тăрăха таврăнчĕ. Олимпиада паттăрне Шупашкарти чукун çул вокзалĕнче çывăх тăванĕсемпе юлташĕсем, спорт шкулĕпе Олимп резервĕсен училищин ĕçченĕсем кĕтсе илчĕç.
Нарăсăн 9-25-мĕшĕсенче Кăнтăр Корейăри Пхенчхан хулинче XXIII хĕллехи Олимп вăййисем иртĕç. Раççейри Олимп комитечĕ унта хутшăнакан 169 спортсмена палăртнă. Çак йыша Чăваш Енри икĕ пике — Татьяна Акимова биатлонисткăпа Лана Прусакова фристайлçă — кĕнĕ.
Чăвашла верси
Русская версия
