Чăваш Ен Правительствинче тунтикунсерен ирттерекен канашлура яланхи пекех пĕлтерĕшлĕ ыйтусене тишкернĕ. Республика Пуçлăхĕ Михаил Игнатьев Санкт-Петербургри экономика форумне епле кайса килнипе паллаштарнă май: «Питĕ пĕлтерĕшлĕ форум. Пĕр-пĕрин опычĕпе паллашмалли, çитĕнÿсем çинчен каласа кăтартмалли мероприяти», — тенĕ.
Нумаях пулмасть Чĕмпĕрте федерацин Атăлçи тăрăхĕнчи регионсем шайĕнче йĕркеленĕ "Атăлçинчи ăнăçлă çемье" пиллĕкмĕш фестиваль-конкурс иртнĕ. Чăваш Ен чысне унта Çĕнĕ Шупашкарти виçĕ ачаллă Кузнецовсем хÿтĕленĕ. Туслă çемье фестивальтен йытă çурипе таврăннă.
Иркутскра иртнĕ чăваш культурин кунĕнче хула мэрĕ Дмитрий Бердников та савăннă. Ку хыпара вăл тăрăха чăваш делегацийĕпе иртнĕ уйăх вĕçĕнче тухса кайнă "Хыпар" издательство çурчĕ "Çамрăксен хаçачĕн" корреспонденчĕ Ирина Кошкина хыпарлать.
Чăваш Енре Амăшĕпе Ашшĕн çулталăкĕ пулнине шута илсе "Хыпар" издательство çурчĕн "Çамрăксен хаçатĕнче" "Манăн анне" фотоконкурса çулталăк пуçламăшĕнчех йĕркеленĕччĕ. Унта якут çынни те хутшăнать.
Чăваш Енре усламçăсене, çав шутра пĕчĕк, вăтам тата пысăк бизнеса - аталантарма мĕн пур услови пур. Çакна паян Питĕрти пĕтĕм тĕнчери экономика форумĕнче пĕлтерни те çирĕплетет. Регионсен инвестици илĕртÿлĕхĕн рейтингне презентациленĕ май Стратегиллě пуçарусен агентсвин гендиректорĕ Светлана Чупушева пирĕн республика пĕлтĕрхи 6-мĕш вырăнтан кăçал 2-мĕш вырăна хăпарнине пĕлтернĕ.
Еплерех йышăннă çак хыпара Чăваш Енĕн тĕрлĕ отраслĕнче ĕçлекенсем:
Сывлăх сыхлав тытăмĕн эффективлăхĕ енĕпе Чăваш Ен федерацин 85 субČекчĕ хушшинче 5-мĕш вырăн йышăннă. Çакăн çинчен ĕнер Питĕрти форумра «Сывлăх сыхлавĕн эффективлăхĕн виçĕ виçи» «çавра сĕтелте» пĕлтернĕ.
Йĕпреçри 1-мĕш вăтам шкул умĕнче паян учителе халалласа палă уçнă. Чăвашра халиччен ун пекки пулман-ха.
"Пӗрлӗхре - вӑй" ятпа ĕнер Красноярскри халӑхсен туслӑхӗн ҫуртӗнче ҫавра сӗтел иртнĕ. Унта çĕршывăн тӗрлӗ регионӗнчи чӑваш автономийӗсен представителӗсем хутшӑннă.
Чăваш Енре Республика кунне уявланă вăхăтра "Атăлçи мисĕ" илемлĕх конкурсĕ иртесси тахçанах йăлана кĕчĕ. Кăçал та вăл пĕлтĕрхиллех "Контур" суту-илÿпе курав комплексĕ умĕнчи лапамра иртĕ.
"Хыпар" издательство çурчĕн "Тăван Атăл" литературăпа культура тата искусство журналĕ "Аваллăх саманчĕсем" конкурс ирттерет.
Чăвашла верси
Русская версия
