чăвашлăх

Çу уйăхĕн 12-18-мĕшĕсенче Севастополь хулинче документлă фильмсен тата телепрограммăсен «Победили вместе» пĕтĕм тĕнчери фестивалĕ иртет. Унта 35 çĕршывран тата Раççейри 38 регионтан 500 ытла фильм ярса панă.

Стамбулти тата Кипрти журналсенче Чăваш Енри хальхи вăхăтри паллă поэтăн, драматургăн, тележурналистăн, Марина Карягинăн, сӑввисем пичетленсе тухнă.

Çак кунсенче Братскри 18-мĕш вăтам шкулти 2-мĕш классем наци культурисен фестивалĕнче чăваш халăхĕн культури çинчен каласа кăтартнă, наци апат-çимĕçĕпе хăналанă.

Чăваш чĕлхин кунне кăçалхипе 27-мĕш хут уявларăмăр. Кашни çулăн хăйĕн евĕрлĕхĕ пур. Иртнĕ çул çавра датăпа, Иван Яковлев çуралнăранпа 170 çул çитнипе, палăрса юлчĕ. Çавăнпа ăна сумлăрах паллă тунăн туйăнчĕ. Кăçал та шкулсемпе культура учрежденийĕсенче вун-вун мероприяти, савăнăçлă уявсем, тĕлпулусем йĕркеленĕ. Йăлана кĕнĕ «Анлăн янăра, чăваш чĕлхи!» митинг-уяв яланхи пекех Аслă вĕрентекенĕн тĕп хулари палăкĕ умĕнче иртрĕ.

Красноярск тăрăхĕнчи йăхташăмăрсем чăваш чĕлхи эрнелĕхне паллă тума пуçланă. Çакăн çинчен наци-культура автономийĕн ертÿçи Геннадий Храмов пĕлтерет.

Pages

Subscribe to чăвашлăх