Пушкăртстанри «Илем» — 25 çулта

12 Feb, 2020

Пушкăртстанри Пелепей хулинче йĕркеленнĕ «Илем» ансамбль çак кунсенче 25 çул тултарать. Чĕрĕк ĕмĕр хушшинче асăннă ушкăн аталанса ура çине тăма пултарни савăнтарать. Унăн репертуарĕнче ытларах вырăнти чăвашсен юрри-кĕвви.

Илемлĕх ертÿçинче чылай вăхăт Владимир Гордеев тăрăшнă пулсан халĕ çак ĕçе Владимир Каранкин пурнăçлать. Халăх ансамблĕн ертÿçи вара — Нина Никитина. Çакна та асăнма кăмăллă: «Илем» темиçе хутчен те Чăваш Енре иртнĕ фестиваль-конкурссене, уявсене хутшăнма тивĕçнĕ, малти вырăнсене çĕнсе илнĕ.

Хăйĕн 25 çулхи юбилейне çак ушкăн Пелепейри «Урал-Батыр» халăх пултарулăхĕн центрĕнче февралĕн 20-мĕшĕнче ирттерет.

www.hypar.ru

Валентина ПЕТРОВА. Cap.ru сăн ÿкерчĕкĕсем. 

Рубрика: 

Комментари хушас