Паян Туслăхсен çуртĕнче ЧНК пресс-службин ертÿçин Зоя Яковлевăн юбилейне хатĕрленĕ "Чун-чĕре тивĕçĕ" курав уçăлчĕ. Унта Зоя Аркадьевна тĕрлĕ çулта тунă тата унăн ĕç-хĕлне халалланă сăн ÿкерчĕксем вырăн тупнă.
Паян Шупашкарта Ача-пăча Акатуйĕ кĕрлерĕ. Унта шкул çумĕнчи лагерьсене çÿрекен ачасем хутшăнчĕç.
Мероприятире тĕрлĕ вăйă иртрĕ: «Янра, чăваш юрри!» вокал конкурсĕ, «Айтăр пĕрле ташлар-и?» хореографи конкурсĕ, «Сăмах ăсти» илемлĕ сăмах ăмăртăвĕ, «Шупашкар — манăн ĕмĕтри хула» ÿкерчĕксен конкурсĕ. «Чăваш паттăрĕ» ăмăртура арçын ачасем вăй виçрĕç. Унсăр пуçне этно-квест иртрĕ, ăсталăх класĕсем ĕçлерĕç.
Патăрьел районĕнчи Сител ял çыннисем хăйсем тăрăшнипе яла пырса кĕнĕ вырăнта «Сител» стелла вырнаçтарнă. Ку ĕçе Первомайски ял тăрăхĕн Депутатсен пухăвĕн депутачĕ Юрий Степанов пуçарăвĕпе йĕркеленĕ.
Ăна чăваш орнаменчĕсемпе илемлетнĕ: пĕр енне ял историне çырнă, тепĕр енне — сăвă йĕркисем.
Çу уйăхĕн 12-18-мĕшĕсенче Севастополь хулинче документлă фильмсен тата телепрограммăсен «Победили вместе» пĕтĕм тĕнчери фестивалĕ иртет. Унта 35 çĕршывран тата Раççейри 38 регионтан 500 ытла фильм ярса панă.
Стамбулти тата Кипрти журналсенче Чăваш Енри хальхи вăхăтри паллă поэтăн, драматургăн, тележурналистăн, Марина Карягинăн, сӑввисем пичетленсе тухнă.
Чăвашла верси
Русская версия
