Олимп тата Паралимп вăййисен тĕп хулине Чăваш Енрен вун-вун çын çитсе курнă, Сочирен епле кăмăл-туйăмпа таврăннă-ха пирĕн ентешсем? Хăшĕ-пĕринпе тĕл пулса калаçма май килчĕ.
Пĕтĕм тĕнчери Театр кунне /пуш уйăхĕн 27-мĕшĕ/ республикăри профессионал ултă театр артисчĕсем Чăваш патшалăх пукане театрĕнче паллă турĕç.
Канаш районĕнчи Çĕнĕ Ахпÿрт ялĕнче çуралса ÿснĕ Василий Семенов çерем çĕр уçма кайнă тапхăра пурнăçĕнчи телей çулĕсемпе танлаштарать. Василий Семенович çак ĕçе икĕ хут хутшăннă. Çав çулсене вăл халĕ те йăл кулăпа, ăшă кăмăлпа аса илет. Çерем çĕр уçнă чухнехи савăнмалли те, пăшăрханмалли те пулнă. Аса илĕве хут çине куçарас тăк роман çырма пулать. Василий Семенов хăш-пĕр самантпа паллаштарчĕ.
Акан 1-мĕшĕ - Кулăш кунĕ. Пĕтĕм тĕнче çак кун хырăм тытса кулать. Çынсем пĕр-пĕрне шăнман пăр çине лартса яраççĕ, шÿтлеççĕ, вăлтаççĕ. Апла пулсан та пĕр-пĕрне кÿренмеççĕ. Республикăра кулăш ăстисене пÿрне хуçса шутлама пулать. Вĕсенчен пĕри - ЧР Президенчĕн стипендине, Патшалăх Канашĕн Хисеп грамотине тивĕçнĕ чăваш эстрада артисчĕсен союзĕн членĕ Петр Ермолаев. Вăл ытти ăстаран мĕнпе уйрăлса тăрать-ши, пурнăç çулĕпе йăл кулса, пуç каçăртса, йĕплесе çеç утать-ши е унăн та ĕçĕсем ăнмасан чĕри асапланать-ши?
«Тĕнчере çĕр турă мар, пĕр турă анчах», - тенĕ ватăсем. Çак шухăша ĕлĕк кăна мар, халĕ те калаççĕ туррăн хăватне шанса, ĕненсе пурăнакансем. Чи хакли - чыса, чун тасалăхне, çылăх тăвассинчен хăвна упрама пĕлни. Çакна пăхăнни тĕрлĕ тĕне ĕненекенсене те пĕр çемьене чăмăртанма кансĕрлемест. Тутар Республикинчи Çĕпрел районĕнчи ялсенче пулсан вырăнтисем шăпах çавнашкал çемье чылаййине пĕлтерчĕç.
Çынсем Шупашкарти Сапожников урамĕнчи 4-мĕш çурт патĕнче пĕрремĕш чечексене асăрханă. Ама хупахĕ çуркунне çитнине туйса çĕр айĕнчен тухнă-тухман çеçкене ларнă. Сарăскерсене вĕтĕ шăнасем сырса илнĕ.
Раççей кинотеатрĕсенче кăтартакан ют çĕр-шыв фильмĕсен шутне чакарĕç.
Чикĕ леш енчи режиссерсен ĕçĕсем экрансем çине тухакан кинолентăсен 50 процентĕнчен ытла пулмалла мар - çапла сĕнÿ панă депутатсем. Прокатăн пысăк пайне Раççей режиссерĕсен фильмĕсемпе тултарма йышăннă.
Çанталăк ăшăтнăçемĕн пăр çÿхелсех пырать, çавăнпа ун çине кĕни сывлăхпа пурнăçшăн хăрушлăх кăларса тăратма пултарать. Шел, хăшĕ-пĕри çакна шута илмест те - инкеке лекет.
Вăрнар районĕнчи «Мураты» хуçалăх çурхи ĕçсене пуçăннă. Кунта кĕрхи культурăсене апатлантарма тытăннă. Кăçал хуçалăхра 720 гектар çинче çурхи культурăсене акма палăртнă.
Сĕнтĕрвăрри районĕнчи Михаил Тагеев фермер хуçалăхĕнчи дояркăсене ĕçе чаплă машинăпа илсе килеççĕ, леçсе яраççĕ. Ирĕксĕртен çапла тума тивет. Октябрьски ялĕ пĕчĕк мар, хăй вăхăтĕнче уйрăм район центрĕ те шутланнă. Анчах вырăнти хуçалăхра ĕçлеме шанчăклă та яваплă çынсем тупайман фермер. Кÿршĕри ял хуçалăх предприятийĕ панкрута тухсан унти дояркăсем ĕçсĕр юлнине кура вĕсене хăйĕн патне чĕнсе илнĕ. Вунă çухрăмри Мĕшĕл ялĕнчен тăватă дояркăна ир-ирех ĕçе турттараççĕ. Кăмăллă вĕсем çĕнĕ ĕç вырăнĕпе.
Чăвашла верси
Русская версия
