уявсем

19 Çĕртме, 2020

Медицина ĕҫченĕсен кунĕ ячĕпе саламларĕҫ

Паян ЧР Правительство ҫуртĕнче ВКС мелĕпе шурӑ халатлисене ҫывхарса килекен Медицина ĕҫченĕсен кунĕ ячĕпе саламларĕҫ.

Аса илтеретпĕр: сывлӑх хуралĕнче ĕҫлекенсен кунне ҫулсеренех ҫĕртме уйӑхĕн виҫҫĕмĕш канмалли кунĕнче уявлаҫҫĕ. ЧР Пуҫлӑхĕн тивĕҫĕсене вӑхӑтлӑх пурнӑҫлакан Олег Николаев Раҫҫей Федерацийĕн сывлӑх сыхлавĕнчи надзор службин пуҫлӑхĕ Алла Самойлова, ЧР сывлӑх сыхлавĕн министрĕ Владиир Степанов,"Пĕрле" фончĕн попечительсен канашĕн ертӳҫи Вячеслав Александров саламларĕҫ.

1 Çĕртме, 2020

Чăваш Ен юбилее паллă тума хатĕрленет

Чăваш автономи облаçне туса хунăранпа 100 çул çитнине халалласа йĕркелеме палăртнă мероприятисенчен хăшне-пĕрне коронавирус пандемине пула пăрахăçлама тивет, пĕр пайне урăх майпа ирттересшĕн. Вĕсен тепĕр пайне çурла уйăхĕнче, Хула кунне паллă тунă вăхăтра, йĕркелесшĕн. Çакăн пирки ЧР Пуçлăхĕн тивĕçĕсене вăхăтлăх пурнăçлакан Олег Николаев ĕç тăвакан влаç органĕсен тата муниципалитетсен ертÿçисемпе тунтикун ирттернĕ канашлура Алла Салаева вице-премьер пĕлтерчĕ.

1 Çĕртме, 2020

Парад кунĕнче кантарĕç

Çĕртмен 24-мĕшĕнче пирĕн çĕршывра канмалли кун тесе йышăннă. Кун пек Указа Раççей Президенчĕ Владимир Путин çу уйăхĕн 29-мĕшĕнче алă пуснă. Кансан та ĕç укçи тÿлĕç.

Коронавируса пула кăçал Çĕнтерÿ кунне çу уйăхĕн 9-мĕшĕнче анлăн уявлама мйа килмерĕ. Тăван çĕршывăн аслă вăрçинче çĕнтернĕренпе 75 çул çитнине халалланă Çĕнтерÿ парадне Раççейри хуласенче çĕртме уйăхĕн 24-мĕшĕнче 10 сехетре ирттерме палăртнă. Каçхине, 22 сехетре, хăватлă артиллери салючĕ янăрĕ.

8 Çу, 2020

«Çĕнтерÿ» комплекс çĕнелнĕ

Коронавируса пула Çĕнтерÿ кунĕпе çыхăннă мероприятисене каярах ирттерĕç. Апла пулин те тĕп хуламăра уяв сĕмĕ кĕртнĕ: урамсенче — пысăк баннерсем, общество транспорчĕн чарăнăвĕсенче çĕнтерÿçĕсене халалланă пĕлтерÿсем вырнаçтарнă, кĕперсен хĕррипе ялавсем çакнă.

30 Ака, 2020

Çĕнтерĕве онлайн мелпе паллă тăвăпăр

Алла Салаева вице-премьер паян журналистсем валли брифинг йĕркелесе Çуркуннепе Ĕç тата Çĕнтерÿ уявĕсене мĕнле паллă тăвасси çинчен каласа пачĕ. Калаçăва çавăн пекех культура тата ĕçлев министрĕсем Роза Лизакова, Алена Елизарова хутшăнчĕç.

Коронавирус инфекцийĕ сарăлассинчен сыхланасси уявсен йĕркелĕвне те витĕм кÿрет — пĕтĕм мероприяти тĕпрен илсен онлайн мелпе иртет. Çу уйăхĕн 1-мĕшĕнче онлайн-шестви пулĕ. Унта хутшăнмашкăн чылай коллектив çырăннă ĕнтĕ: трактор завочĕ, ЧЭАЗ, ЧПУ, ыттисем.

Pages