Паян республикăри «Чăваш Республикин чи лайăх патшалăх граждан служащийĕ» тата «Чăваш Республикинчи чи лайăх муниципалитет служащийĕ» конкурссен çĕнтерÿçисене чысларĕç. Вĕсене Чăваш Ен Пуçлăхĕ Олег Николаев саламларĕ.
Паян Чăваш Ен Пуçлăхĕ Олег Николаев ял хуçалăхĕнче тата тирпейлекен промышленноçра нумай çул тÿрĕ кăмăлпа ĕçлесе пысăк çитĕнÿ тунă хастарсен пĕр ушкăнне Правительство çуртĕнче патшалăх наградисемпе чысларĕ.
«Чи малтанах наставниксене, атте-аннепе юлташсене тав тăватăп», — терĕ Шупашкарти электромеханика колледжĕн студентки Валерия Субботина. Паян ăна, «Çамрăк профессионалсем» наци чемпионатне хутшăнса наградăсене тивĕçнĕ ытти çамрăка чысларĕç.
Кăçал Тăван çĕршывăн Аслă вăрçинче Çĕнтерÿ тунăранпа 75 çул çитет. Аслă çĕнтерĕве çывхартма пулăшнă, вăрçăран таврăннă çынсем нумай та юлмарĕç. Элĕк районĕнче пурăнакан Владимир Петров вăрçă ветеранĕ те тăхăр теçеткерен каçнă ĕнтĕ. Унăн аса илмелли пайтах.
Вăрмар районĕнчи Кĕтеснерти ял тăрăхĕнче «1941-1945 çулсенчи Тăван çĕршывăн Аслă вăрçинчи Çĕнтерÿ 75 çул тултарни» юбилейлă медаль пама тытăннă.
Чăвашла верси
Русская версия
