уявсем

Ĕнер, çу уйăхĕн 13-мĕшĕнче, Шупашкарта тутарсен Сабантуйĕ иртессине эпир пĕлтернĕччĕ. Аса илтерер: кăçал та уява Лакрей вăрманĕнче пуçтарăннă.

Медицина сестрисен кунне халалланă савăнăçлă мероприятие паян, çу уйăхĕн 12-мĕшĕнче, Шупашкарти медицина колледжĕнче ирттерчĕç. Пирĕн сывлăхшăн тăрăшакан, чирлесен шанăç парнелекен ырă пирĕштисен уявне Чăваш Ен Пуçлăхĕ Михаил Игнатьев, ЧР сывлăх сыхлав министрĕ Владимир Викторов хутшăнчĕç.

Паян, çу уйăхĕн 9-мĕшĕнче, "Çĕнтерÿ" мемориал комплексне çын йышлă пухăнчĕ. Вăрçă çулĕсенчи юрăсене итлесе çар мухтавĕн монуменчĕ патнелле утрĕç. Чăваш Республикин Пуçлăхĕ Михаил Игнатьев Нихăçан сÿнмен çулăм умне чечек кăшăлĕ хучĕ. Мероприятие çавăн пекех ЧР Министрсен Кабинечĕн, ЧР Пуçлăхĕн Администрацийĕн, вăй ведомствисен представителĕсем, РФ Патшалăх Думин, ЧР Патшалăх канашĕн депутачĕсем хутшăнчĕç. 

 

«Çĕнтерÿçĕ салтаксен кирек хăш вăхăтра та стройра пулмалла», — Пĕтĕм Раççейри «Вилĕмсĕр полк» акци кăçал та çак чĕнÿпе иртрĕ. Чăваш Ен унта кăçалхипе пиллĕкмĕш хут хутшăнчĕ.

Pages

Subscribe to уявсем