Ыран, чÿк уйăхĕн 27-мĕшĕнче, республикăри виçĕ районти усламçăсем валли «Манăн бизнес» онлайн-форум йĕркелĕç.
Чăваш Енĕн Экономика аталанăвĕн тата пурлăх хутшăнăвĕсен министерстви, çавăн пекех Республикăн бизнес-инкубаторĕ ирттерекен мероприятие Куславкка, Вăрмар тата Тăвай районĕсенчи предпринимательсене хутшăнма йыхравлаççĕ.
Паян — Хĕрарăм-предпринимательсен пĕтĕм тĕнчери кунĕ. Хальхи вăхăтра пикесемпе арăмсем хăйсен ĕçне йĕркелес ыйтура пуçаруллă та маттур. Хастаррисем пирĕн республикăра та чылай. Шăпах вĕсем «Çĕнĕ вăхăтăн ĕçлĕ хĕрарăмĕсем: пуçарулăх тата аталану» ятпа йĕркеленĕ конференцие хутшăнчĕç.
Тĕнче те, пурнăç та улшăнсах пырать. Чылайăшĕ паян никама пăхăнмасăр хăйĕн ĕçне уçма ăнтăлать.
«Кризис тапхăрĕнчи йышăнусем» ятпа паян Шупашкарти «Манăн бизнес» центрта предпринимательсем валли онлайн-конференци иртрĕ.
Паян республикăна Раççей Федерацийĕн промышленноç тата суту-илÿ министрĕн заместителĕ Михаил Иванов килсе çитрĕ.
Ирхи кÿлĕм вăл тата Чăваш Республикин Пуçлăхĕн тивĕçĕсене вăхăтлăх пурнăçлакан Олег Николаев Шупашкарти электроаппаратура завочĕн ĕç-хĕлĕпе паллашрĕç. Цехсенче çÿресе предприятире туса кăларакан электрооборудование тишкерчĕç.
Чăвашла верси
Русская версия
