Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев паян Чăваш Республикин Аслă экономика канашĕн ларăвне ирттернĕ. Унта регионăн социаллă-экономика аталанăвĕн комплекслă программин проектне пăхса тухнă.
Юнкунхи ир тĕлне республикăра чирлисен шучĕ 16 çынпа танлашнă. Пĕр çын, чи малтан тупса палăртни, сывалнă. 795 çынна медиксем сăнаса тăраççĕ. Çак йышри 693 çын — килĕсенчех, ыттисем вара медстационарта тата обсерваторта.
Пĕчĕк тата вăтам предпринимательлĕх аталанăвĕпе çыхăннă ыйтусемпе экономика аталанăвĕн министрĕ Иван Моторин палӑртнӑ тӑрӑх, паян республикăри предпринимательсен шучĕ 42,5 пинпе танлашать. Вĕсем патĕнче 123 пин çын ĕçлет — ĕçлекен çынсен 40%.
Республика Пуçлăхĕн тивĕçĕсене вăхăтлăх пурнăçлакан Олег Николаев эрнекун Шупашкарти бизнес-инкубатор çуртĕнче уçăлнă «Манăн бизнес» центрпа паллашрĕ.
Чăваш Ен Министрсен Кабинечĕн паянхи ларăвĕнче Предпринимательсен прависене хÿтĕлекен уполномоченнăй Александр Рыбаков хăйĕн 2019 çулхи ĕçĕ çинчен отчет турĕ.
Чăвашла верси
Русская версия
