Паян республикăна Раççей Федерацийĕн промышленноç тата суту-илÿ министрĕн заместителĕ Михаил Иванов килсе çитрĕ.
Ирхи кÿлĕм вăл тата Чăваш Республикин Пуçлăхĕн тивĕçĕсене вăхăтлăх пурнăçлакан Олег Николаев Шупашкарти электроаппаратура завочĕн ĕç-хĕлĕпе паллашрĕç. Цехсенче çÿресе предприятире туса кăларакан электрооборудование тишкерчĕç.
Чăваш Ен инвестици климачĕн илĕртÿлĕхĕ енĕпе çĕршыври чи лайăх регионсен малти теçеткине кĕрет — Наци рейтингĕнче 8-мĕш вырăнта — пулин те ку енĕпе республикăн тата ăнăçлăрах ĕçлемелли резервсем пур. Çапларах хаклама пулать-тĕр Инвестици климатне лайăхлатас енĕпе ĕçлекен канашăн кĕçнерникун Правительство çуртĕнче ЧР Пуçлăхĕ Михаил Игнатьев ертсе пынипе иртнĕ ларăвĕн тĕп шухăшне.
"Раççей Федерацийĕнче проектсене укçа-тенкĕпе тивĕçтересси" — çак темăпа Правительство çуртĕнче РФ Патшалăх Думин Финанс рынокĕ енĕпе ĕçлекен комитечĕн "çавра сĕтел" ларăвĕ иртрĕ. Унта Дума, ЧР Патшалăх Канашĕн депутачĕсем, федераци тата Чăваш Ен министерствисен ертÿçисемпе представителĕсем, регионти промышленноç предприятийĕсен пуçлăхĕсем хутшăнчĕç.
Çак самантра Максим Филиппов мăшăрĕпе Иринăпа Крымра туй хыççăнхи çул çÿревре чуп-чуп уйăхне ирттерет. Утă уйăхĕн 18-мĕшĕнче вĕсем хут уйăрттарчĕç. 30 çул — çемье çавăрма ир те мар, кая та мар. Çак утăма вăл мĕн пур яваплăха туйса пурнăçларĕ. «Авланиччен арçыннăн ура çине çирĕп тăмалла. Кайран ăçта пурăнмалла? Çемьене мĕнле тăрантармалла тата ытти ыйту ан чăрмантартăр», — тет Шупашкар районĕнчи Курак Чурачăкра çуралса ÿснĕ çамрăк бизнесмен.
«Муниципалитет влаçĕн бизнеса аталанма пулăшса пымалла, ăна чăрмантармалла мар», — шăпах çак шухăш тĕпре пулчĕ районсемпе хуласен тата вĕсен администрацийĕсен пуçлăхĕсемпе йĕркеленĕ «çавра сĕтелте».
Чăвашла верси
Русская версия
