Новости по теме

29 Çу, 2017

Чăвашла пĕлмесен те чăваш юнĕ чупать: Тюменьте Акатуй иртнĕ

Тюменьте ĕнер унти халӑхсен "Строитель" Культура ҫурчӗ ҫывӑхӗнче вырнаҫнӑ Ю. Куталов ячӗллӗ скверта чăвашсен Акатуйĕ иртнӗ.

27 Çу, 2017

Чăваш Енри тата тĕрлĕ регионти чăвашсем Слакпуçĕнче Кĕçтенттина пуç тайнă

Ĕнер Пушкӑрт Республикинчи Слакпуҫ ялӗнче пысӑк уяв иртрӗ. Унта Чӑваш Республикинчен, Пушкӑрт Республикинчи тӗрлӗ хулапа ялтан, Саратов, Оренбург, Чӗмпӗр облаҫӗсенчен хӑнасем килсе ҫитрӗҫ.

27 Çу, 2017

Пилĕк кун та пилĕк каç тыткăнланă Шупашкарти кинофестиваль паян хупăннă

Лайăххин те вĕçĕ пулать теççĕ. Çаплах иккен. Акă Шупашкарти кинофестиваль те хупăнчĕ. Пилĕк кун та пилĕк каç тыткăнларĕ вăл хула çыннисемпе унăн хăнисене. Кинофестиваль вĕçленнипе çыхăннă мероприятие ЧР Пуçлăхĕ Михаил Игнатьев хутшăнчĕ.

Михаил Васильевич фестиваль йĕркелÿçисене чăваш халăхне кино тĕнчипе çывăхлатма пулăшнăшăн тав турĕ, хăйĕнчен ятарлă парне пуррине пĕлтерчĕ. Çак парнене СССР халăх артистки Мая-Гозель Аймедова тата Ходжакули Нарлиев тивĕçрĕç.

27 Çу, 2017

Сипленме пынисене чăваш тĕррипе паллаштарнă

Ĕнер Республикăри психиатри больницинче чăваш тĕррине кăтартнă. Сиплев учрежденийĕн психосоматика уйрăмĕнче выртакансене тăван халăхăмăрăн авалхи ал ĕçĕсемпе Чăваш наци музейĕ паллаштарнă.

26 Çу, 2017

Акатуя кайнă чăвашсем Пелепейре пилеш лартнă

Байкал тӑрӑхне, çӗртме уйӑхӗн 4-мӗшӗнче Иркутскра иртекен пӗтӗм чӑвашсен Акатуйне, пирӗн республикӑран ĕнер пысӑк делегаци тухса кайнине эпир  хыпарланăччĕ. Унта ҫул тытакансем паян Пушкӑрт Республикинчи Пелепей хулине ҫитнӗ.
 
26 Çу, 2017

Тăххăрмĕшсем паян экзамена ларнă

Тăххăрмĕш класс пĕтерекенсемшĕн паян яваплă тапхăр пуçланнă: шкул уратине ярса пуснăранпа çак таранччен ăша мĕн хывнине тĕрĕслеме вĕсем парта хушшине ларнă.

25 Çу, 2017

Чăваш Енре туса илнĕ ял хуçалăх таварне Мускав тăрăхĕнче сутаççĕ

Чăваш Енре туса илекен ял хуçалăх таварне Мусква тăрăхĕнче сутаççĕ. Лосино-Петровский хула округĕнче çу уйăхĕн 22-мĕшĕнчен пуçласа çу уйăхĕн 28-мĕшĕччен "Раççейри регионсен таварĕсем" ярмăрккă иртет. Унта пирĕн республика представителĕсем те хутшăнмалла.

25 Çу, 2017

Байкал тăрăхĕнчи Акатуя «Çамрăксен хаçачĕн» корреспонденчĕ те хутшăнать

Ҫӗртме уйӑхӗн 4-мӗшӗнче Иркутск хулинче пӗтӗм чӑвашсен Акатуйӗ иртӗ. Унти уява Раҫҫейӗн тӗрлӗ кӗтесӗнче тӗпленнӗ чӑвашсем хутшӑнӗҫ.

Çавна май паян Байкал тӑрӑхне пирӗн республикӑран та пысӑк делегаци тухса кайрӗ. Сăмах май, йышра «Çамрăксен хаçачĕн» корреспонденчĕ Ирина Кошкина та пур.

24 Çу, 2017

Хĕрлĕ тÿремре ачасен хорĕ концерт кăтартнă

Шупашкарти Хĕрлĕ тӳремре паян республикăри ачасен пĕрлехи хорĕ концерт кăтартрĕ. Унта Шупашкарти, Çĕнĕ Шупашкарти, Канашри тата Шупашкар районĕнчи 600 яхăн ача хутшăнчĕ. Концерта вĕсемпе пĕрле çавăн пекех Чăваш патшалăх академи симфони капелли пулчĕ. Дирижерĕ — Раççей халăх артисчĕ, симфони капеллин пултарулăх ертӳçи Морис Яклашкин.

Pages