КОНКУРС: "Аваллăх саманчĕсем"

"Аваллăх саманчĕсем" — çакăн пек ят парас терĕмĕр эпир хамăрăн черетлĕ конкурса. Ăна йĕркелеме, ирттерме архиври сарăхса кайнă сăн ÿкерчĕксем хистерĕç. Шухăшлăр-ха, хисеплĕ вулаканăмăрсем, çулсем иртсе пынăçемĕн иртни, çак сăмаха калама, çырма темле йывăр пулсан та — аваллăх, манăçа тухса пырать. Анчах пурнăç тени паян кунпа кăна сăнарланмасть мар-и-ха? Темле пулсан та литература, культура, искусство тени унч¬чен те пулнă, начар мар аталаннă, вăй илнĕ. Эппин, ниепле те манма пултараймастпăр, манăçа кăлармалла мар пирĕн, паянхи тата килес ăрусен, иртнĕ саманара ырми-канми тăрăшнă, ентеш-ĕçтеш-йăхташăмăрсене те.

Шăпах иртнĕ пурнăçăн саманчĕсене куратăр эсир "Тăван Атăл" журналăн черетлĕ номерĕнче кун çути куракан икĕ сăн ÿкерчĕкре. Чăваш культурипе, литературипе, искусствипе çыхăннă епле самантсем — камсем тата мĕнле самантсем сăнарланнă-ши вĕсенче?

Хуравсене lrigel@rambler.ru электронлă адреспа кĕтетпĕр. Тĕрĕс те тулли хуравсене журналта пичетлĕпĕр.

Хисеплĕ вулакансем! Сирĕн архивра та çыравçăсен, ÿнерçĕсен, культура ĕçченĕсен пурнăçĕпе, ĕçĕ-хĕлĕпе çыхăннă, иртни çинчен каласа паракан ĕçсем ?сăн ÿкерчĕксем, документсем т. ыт. те. упранаççĕ пулсан, эсир те вĕсемпе пирĕн вулакансене паллаштарма пултаратăр. Кĕтетпĕр. Çырăр. Шăнкăравлăр. Редакцие кĕрсе тухăр.

 

Комментари хушас

Image CAPTCHA
Введите символы, которые показаны на картинке.