Çĕртме уйăхĕн 7-11-мĕшĕсенче Белгородри патшалăх университечĕн Светлана Хоркина ячĕллĕ спорт комплексĕнче Раççейри студентсен спорт клубĕсен ассоциацийĕн воллейбол енĕпе Раççейри ăмăртăвĕ иртнĕ. ЧПУ хĕрĕсем унта виçĕмĕш вырăн йышăннă.
Çĕртме уйăхĕн 12-мĕшĕнче республикăра Раççей кунне халалласа савăнăçлă уяв мероприятийĕ иртрĕ. Шупашкар хулинчи Хĕрлĕ тÿреме Тăван çĕршыва юратнине палăртса 5 пин ытла çын пухăнчĕ.
Уяв пултарулăх ушкăнĕсен, спорт федерацийĕсен тата вокалистсен театрализациленĕ номерĕпе уçăлчĕ. Ун хыççăн Тăван çĕршыва юратакансене пĕрлештерекен уяв.
Паян республикăри 15 районта Акатуйсем иртеççĕ. Муркашсем те уявра савăнчĕç. Район çыннисене Чăваш Ен Пуçлăхĕ Михаил Игнатьев саламларĕ. «Эсир пултаруллă та ĕçчен халăх. Йывăрлăха пăхмасăр район аталанăвĕшĕн вăй хурса тăрăшатăр. Республикăри тата çĕршыври конкурссенче мала тухатăр», — терĕ Михаил Васильевич.
Çĕртме уйăхĕн 8-12-мĕшĕсенче Шупашкарта Раççей Федерацийĕн субьекчĕсен тĕп архитекторĕсен 40-мĕш канашĕ иртет.
Çĕртме уйăхĕн 8-мĕшĕнче Социаллă ĕçчен кунне паллă турăмăр. Йывăрлăха лекнĕ çынсен чунне ăшăтакансен, сиплекенсен ячĕпе тепĕр кун К.В.Иванов ячĕллĕ Чăваш академи драма театрĕнче ирттернĕ савăнăçлă уява социаллă тытăмăн хастарĕсем пухăнчĕç. Вĕсене Чăваш Ен Пуçлăхĕ Михаил Игнатьев, ЧР ĕçлев тата социаллă политика министрĕ Сергей Димитриев, ЧР Патшалăх Канашĕн Председателĕ Валерий Филимонов саламларĕç.
Т́ăван радиора тата Чăваш Енĕн Наци телевиденийĕнче харăсах тÿрĕ эфира тухакан "Ирхи салам" кăларăмра паян "Хыпар" издательство çурчĕн тĕп редакторĕн çумĕ Дмитрий Моисеев пулнă. Дмитрий Андреевича теле- тата радиоертÿçĕсем, Алена Арсентьевăпа Вася Васин, Пĕтĕм тĕнчери юлташсем кунĕ ячĕпе туслăх пирки калаçма йыхравланă.
Паян Чăваш Республикин Пуçлăхĕ çумĕнчи стратеги аталанăвĕн тата приоритетлă проектсен канашĕн ларăвĕнче экономикăн тĕрлĕ сферинчи — çул-йĕр, вĕрентÿ, сывлăх сыхлавĕ тата ытти те — пăхса тухса çирĕплетрĕç. Канашлăва республика Пуçлăхĕ Михаил Игнатьев ертсе пычĕ.
Чăвашла верси
Русская версия
