Çурла уйăхĕн 12-мĕшĕнче Çеçпĕл Мишши ячĕллĕ Чăваш патшалăх çамрăксен театрĕн труппи кану хыççăн ĕçе пуçăнчĕ. Çак кун тата тепĕр самантпа та асра юлĕ вăл: театра ПАЗ-4234 автобус парнелерĕç.
Унăн уççине театр директорне Елена Николаевăна «Пĕрлĕхлĕ Раççей» партин Чăваш Енри секретарĕ, ЧР Патшалăх Канашĕн Председателĕн заместителĕ Юрий Кислов пачĕ.
Паян Шупашкар хулин социаллă-экономика аталанăвĕн пĕрремĕш çур çулти кăтартăвĕсене пĕтĕмлетрĕç, иккĕмĕш çур çуллăх тĕллевĕсене çирĕплетрĕç.
Чăваш Енри шкул ачисем «ПатриУм» çуллахи шкула хутшăннă. Унта Раççейри 39 регионтан килсе çитнĕ 100 чи хастар та пултаруллă вĕренекен пухăннă.
Çурла уйăхĕн 3-мĕшĕнче Омск хулинче Раççейри чи пысăк марафонсенчен пĕри 30-мĕш хут йĕркеленнĕ.
Шăматкун Шупашкарти полицин 4-мĕш уйрăмне 55 çулхи хĕрарăм пырса ултавçăсен аллине çакланнине пĕлтернĕ.
Хăй каласа панă тăрăх, Интернетра кĕпе-йĕм çăвакан машинăна сутасси пирки пĕлтерÿ панă. Пĕр кун маларах ун патне палламан çын шăнкăравланă, машинăна туянас кăмăллă пек пулса укçа-тенке карта çине куçарма шантарса реквизичĕсене ыйтнă. Кăшт вăхăт иртсен çав çын карта çине укçа куçарайманнине пĕлтерсе ытти картăн реквизичĕсене те ыйтнă. Хĕрарăм 63 пин тенкĕсĕр тăрса юлнă.
Республикăра коммуналлă хытă каяшсене турттарса тухассине çав-çавах мĕн пур ялта йĕркелемен-ха, вĕсене пухмалли вырăнсене те йĕркелесе çитермен, котейнерсем çителĕксĕр. Çак ыйтусем тавра тунтикун ЧР Пуçлăхĕ çумĕнчи право йĕркине тивĕçтерес енĕпе ĕçлекен координаци канашлăвĕн ларăвĕнче çивĕч калаçу пулчĕ.
Ĕç тăвакан влаç органĕсен тата муниципалитетсен ертÿçисемпе паян иртнĕ канашлура ĕç укçин парăмĕпе çыхăннă лару-тăрупа ĕçлев министрĕ Сергей Димитриев паллаштарчĕ.
Утă уйăхĕн 1-мĕшĕ тĕлне 634 çын умĕнчи парăм виçи 35 миллион тенкĕпе танлашнă. Хăрушă мар пек, анчах «кулленхи» текен парăм пысăк — 31 организаци 2173 çынна тÿлемелли виçе 169 миллион тенке çитнĕ. Пысăк пайĕ — панкрут предприятисен тÿпи.
Ĕç тăвакан влаç органĕсен тата муниципалитетсен ертÿçисемпе паян ирттернĕ канашлура тĕрлĕ ыйтăва сÿтсе яврĕç. ЧР Пуçлăхĕ Михаил Игнатьев Михаил Игнатьев саккун шайĕнчи тепĕр çĕнĕлĕх — пурăнмалли çурт-йĕре обязательнăй майпа страхласси — пирки те сăмах пуçарчĕ.
Ачасемшĕн уйăхсерен 50-150 тенкĕ пособи пани, паллах, никама та тивĕçтерместчĕ. Млашне вара çак тÿлев 10 пин тенке яхăн пулĕ. Республикăра ăна илекенсен шучĕ те икĕ хут ытла ÿсĕ. Ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлăва ЧР Пуçлăхĕ Михаил Игнатьев кăмллă çак хыпартан пуçларĕ.
Чăваш Республикин Цифра аталанăвĕн, информаци политикин тата массăллă коммуникацисен министерстви коррупципе кĕрешессипе çыхăннă ыйтусене çутатакан материалсен тата социаллă рекламăсен сценарийĕсен конкурсне пĕтĕмлетнĕ.
Икĕ конкурс комиссийĕн ларăвĕ утă уйăхĕн 30-мĕшĕнче иртнĕ. Экспертсен йышне ЧР Шалти ĕçсен, Юстици, Цифра аталанăвĕн министерствисен, Роскомнадзорăн Чăваш Енри управленийĕн, ЧР Журналистсен союзĕн представителĕсем кĕнĕ.
Чăвашла верси
Русская версия
