Паян Шӑмӑршӑра районӑн 2019 ҫулти 6 уйӑхри социаллӑ экономика аталанӑвне тишкерчӗҫ. Ҫур ҫулта чылай ӗҫ тунине палӑртрӗ Шӑмӑршӑ районӗн администрацийӗн пуҫлӑхӗ Владимир Денисов.
Республика прокуратурине туса хунăранпа 97 çул çитрĕ. Прокуратура ĕçченĕсем уяв ячĕпе саламсем йышăнчĕç.
Вăрнар районĕнчи «Химик-Август» футбол команди Пĕтĕм Раççейри ăмăртуран бронза медальпе таврăннă. Тупăшу Псковра ял командисен хушшинче иртнĕ. 16 регионти 2004-2005 çулсенче çуралнă 200 ытла арçын ача хутшăннă унта.
Паян Туслăхсен çуртĕнче ЧНК пресс-службин ертÿçин Зоя Яковлевăн юбилейне хатĕрленĕ "Чун-чĕре тивĕçĕ" курав уçăлчĕ. Унта Зоя Аркадьевна тĕрлĕ çулта тунă тата унăн ĕç-хĕлне халалланă сăн ÿкерчĕксем вырăн тупнă.
Чи пĕрремĕш хут 1959 çулта ачасене йышăннă «Звездный» кану лагерĕ уяв паллă тунă. Пухăннă хăнасене, лагерьти 12 отряда Çĕрпÿ район пуçлăхĕпе Татьяна Барановăпа администраци пуçлăхĕ Игорь Николаев саламланă, малашне те аталанса пыма суннă. Игорь Николаев лагерь ертÿçине спортпа туризм хатĕрĕсене туянма 100 пин тенкĕлĕх сертификат парнеленĕ.
Çурла уйăхĕн 21-25-мĕшĕсенче Шупашкарта Пукане театрĕсен пĕтĕм тĕнчери «Юмахсен каруселĕ» иртĕ. Шупашкар — 550 çул, Чăваш автономине туса хунăранпа 100 çул çитнине халаллĕç ăна.
Чăваш наци конгресĕн çурчĕ çине Чăваш автономи облаçне йĕркелекенĕн, обществăпа патшалăх деятелĕн Д.С. Элменĕн (Семеновăн) асăну хăмине вырнаçтарасшăн.
«Çур çулта эпир нумай ĕç тунă. Çапах та, района илĕртÿллĕрех, хитререх тăвас тесен ĕçлемелли тата нумай-ха», - çапла палăртрĕ паян Çĕрпÿ районĕн администрацийĕн пуçлăхĕ Игорь Николаев районăн 6 уйăхри социаллă-экономика аталанăвĕн кăтартăвĕсене пĕтĕмлетнĕ май.
Паян ЧР Министрсен Кабинечĕн Председателĕ Иван Моторин Пăрачкав тата Хĕрлĕ Чутай районĕсенче ĕçлĕ çул çÿревре пулчĕ.
Чăвашла верси
Русская версия
