Ĕç тăвакан влаç органĕсен тата муниципалитетсен ертÿçисемпе тунтикунсерен йĕркелекен канашлура çирĕплетнĕ кун йĕркинчи пирвайхи ыйту выльăх апачĕ хатĕрлесси тата вырмана хатĕрленесси пулчĕ. Ял хуçалăх министрĕ Сергей Артамонов сăмах илчĕ.
Чăваш Ен Пуçлăхĕ Михаил Игнатьев Санкт-Петербургри нумай профильлĕ больницăра планпа килĕшÿллĕн сипленет. Хăйне йĕркеллĕ туять, кăмăлĕ çĕкленÿллĕ. "Министрсен Кабинечĕ ыйтнипе эрнекун Санкт-Петербург хулинче пултăм", — пĕлтерчĕ ĕç тăвакан влаç органĕсен тата муниципалитетсен ертÿçисемпе тунтикунсерен йĕркелекен канашлура сывлăх сыхлавĕн министрĕ Владимир Викторов.
ЧР Министрсен Кабинечĕн Председателĕ Иван Моторин паян Шупашкар районĕн кăçалхи пĕрремĕш çур çулти социаллă пурнăçĕпе зкономика аталанăвне пĕтĕмлетме хутшăнчĕ.
2016 çултан пуçласа çулленех Çĕрпÿ районĕнчи Чăваш ял хуçалăхĕн ăслăлăх-тĕпчев институчĕн хирĕнче иртекен Уй кунĕ кăçалхи утă уйăхĕн 17-мĕшĕнче çĕр ĕçĕшĕн кар тăракан аграрисене каллех хăйĕн ытамне пухрĕ. Ăна ЧР Министрсен Кабинечĕн Председателĕ Иван Моторин уçрĕ.
Пĕтĕм тĕнчери Кокель пленэрĕ кăçал Раççейпе Беларуç Республикин Художниксен союзĕсен членĕсене, Хусанти, Чулхулари, Кемеровăри, Абаканри, Шупашкарти ÿнерçĕсене пухнă.
Çак тунтикун çамрăксен черетлĕ ушкăнĕ — Мускаври политехника университечĕн Шупашкарти филиалĕн студенчĕсем — вĕренÿпе сыв пуллашса пурнăçăн анлă çулĕ тăчĕ. Вĕсенчен 18-ĕшне уйрăммăн палăртса чысларĕç, диплом тыттарнă май вĕрентÿ учрежденийĕн паллине парнелерĕç. Вĕсем — вĕренÿре чи малта пынисем, хĕрлĕ диплома тивĕçнисем.
«Вĕренÿ вăхăчĕ — кашни çын пурнăçĕнчи чи телейлĕ тапхăрсенчен пĕри. Паян эсир диплом илетĕр. Сирĕн малашлăхăр çутă, çулăр яланах такăр пултăр», — терĕ паян Чăваш Ен Пуçлăхĕ Михаил Игнатьев Раççей Президенчĕ çумĕнчи Патшалăх службин тата халăх хуçалăхĕн Раççей академийĕн /РАНХиГС/ Шупашкарти филиалĕнчен вĕренсе тухакансене диплом панă май.
Республикăра Пĕтĕм Раççейри «Хăрушсăр ачалăх» акципе килĕшÿллĕн мероприятисем иртеççĕ.
Çĕрпÿ районĕнчи Патăрьел ялĕнчи Боголюбов урамĕнче пурăнакансем хăйсем патне Чăваш Ен Пуçлăхĕ Михаил Игнатьев килессе пĕлсе ятарласа пухăннă. «Республика ертÿлĕхне тав сăмахĕ калас тесе килтĕм, çак çула тума укçа уйăрнăшăн», — терĕ Альбина Кудряшова.
Паян Чăваш Енĕн Министрсен Кабинечĕн ларăвĕ иртрĕ. Ларăвăн кун йĕркинче тĕп вырăнта республикăри ĕç сыхлавĕ çинчен тунă патшалăх доклачĕ тата Вĕрентÿ министерствин иртнĕ çулхи ĕçĕпе паллаштаракан отчет пулчĕç.
Чăвашла верси
Русская версия
